Гарадзенскі дзіцячы хоспіс працягвае ствараць месцы з безбар’ерным асяроддзем, што змогуць аб’яднаць дзяцей, бацькоў і медыкаў. Новы кінатэатр – дргугі пасля сэнсарнага пакою праект такога кшталту. Разам з супрацоўнікамі дзіцячага хоспіса на новай пляцоўцы працуюць валанцёры. Дапамагчы можа кожны і не толькі ўласнай працай ці нейкімі рэчамі – ёсць магчымасць ахвяраваць сродкі праз краўдфандынгавыя платформы.
Спачатку Аляксандр Лукашэнка маўчаў, затым “Расатам” пагадзіўся за свой кошт паставіць новы корпус рэактара. Што здарылася месяц таму познім суботнім вечарам? Расследаванне DW.
Адзінае ў Гарадзенскай вобласці аўтаматычнае табло з раскладам аўтобусных рэйсаў працуе з 1986 году, піша svaboda.org. На тым жа аўтавакзале ёсць электронны тэрмінал, але старое табло прыбіраць тут не хочуць. Са словаў кіраўніцтва аўтавакзала, “яно зручнае для пасажыраў, не пасвячоных у электронную тэхніку”.
У верасні 2016 года ў Мінску, Брэсце, Віцебску і Гродне пачнуць працаваць стартап-школы, дзе кожны зможа паспрабаваць запусціць уласны бізнес, паведамілі БЕЛТА ў грамадскім аб’яднанні “Таварыства садзейнічання інавацыйнаму бізнесу”. Тры школы адкрыюцца ў абласных гарадах, і тры – у Мінску. Абласныя школы будуць арыентаваныя на запуск розных відаў бізнесу, сталічныя – на вытворчыя і навуковыя праекты, а таксама студэнцкія праекты БДТУ.
У польскім Вроцлаве 17 верасня адбудзецца сумесны канцэрт “Brutto & Ляпіс” c гродзенскай групай Dzieciuki. “Камсамолка” вырашыла даведацца, у чым сакрэт рокерскага сяброўства ў лідара гурта Dzieciuki Аляксандра Дзянісава.
Магчымасць узяць медалі прадстаўнікам Гарадзеншчыны на Алімпіядзе ў Рыа стала цалкам рэальнай, калі 17 жніўня два беларускія малатабойцы Іван Ціхан і Сяргей Каламоец выйшлі ў фінал.
У рамках аўдыёпраекта “Краязнаўчая казка”, які ладзіць штотыдневік “Аргументы і факты” пры падтрымцы кампаніі velcom, лідар этна-трыа “Троіца” Іван Кірчук агучыў краязнаўчую казку пра ўзнікненне горада Гродна. Яе можна праслухаць або спампаваць на сайце kazka.aif.by. Гэта сёмая казка з тых дзесяці, што спецыяльна для праекта агучылі знакамітыя асобы Беларусі, паведамілі ў прэс-службе кампаніі velcom.
Гарадзенская фатограф Наталля Бакей прадставіла адукацыйную фотасесію, у якой былыя жыхары пункта часовага ўтрымання бяздомных жывёл паўсталі ў ролі мадэляў. Тэма праекта – папулярныя англійскія ідыёмы, дзе згадваюцца сабакі.
Самавылучэнец з Гродна Максім Штэйнвальд вырашыў пайсці ў дэпутаты. Акруговая камісія адмовіла яму ў рэгістрацыі кандыдатам, таму што сярод яго дакументаў знайшла копію працоўнай кніжкі, не завераную пячаткай працадаўцы. Штэйнвальд разам з адвакатам дайшоў да суду, даказваючы, што закон не патрабуе завяраць копіі такіх дакументаў. Да таго ж у самога акруговага выбаркама не ўзнікла прэтэнзій да іншых дакументаў вылучэнца, якія не былі завераныя, піша TUT.BY.
Доля асоб у непрацаздольным узросце вырасла ў Беларусі за апошнія гады да 24,8%. Пры гэтым моладзе (узрост менш за 16 гадоў) зараз толькі 18,9%. “Наша ніва” прыводзіць топ-7 самых “старых” раёнаў краіны. Больш паловы з іх – Гарадзеншчына. Сярод раёнаў, дзе моладзі больш за сталых людзей, гарадзенскіх не аказалася.
