Калі ў першым акце мужчына страляе з ружжа ў жанчыну, то ў чацвёртым — жанчына страляе ў адказ. У пэўнай ступені перайначаная чэхаўская цытата можа быць ключом да “дэшыфроўкі” “Чайкі” ў пастаноўцы галоўнага рэжысёра Гродзенскага абласнога тэатра лялек Алега Жугжды. Рэцэнзія ад газеты “Звязда”.
На прыпынку “Цэнтр занятасці” на вуліцы Дзяржынскага згарэў кросовер Mercedes ML350. Гэта здарылася 29 жніўня, каля 15.40. У момант узгарання кіроўца аўтамабіля – маладая дзяўчына – здолела хутка пакінуць салон. Машына амаль цалкам згарэла.
Указ №318, паводле якога замежныя грамадзяне змогуць знаходзіцца без візаў на тэрыторыі Аўгустоўскага канала і прылеглых тэрыторыях на працягу пяці дзён, зацікавіў турыстаў, чыноўнікаў, тураператараў, уладальнікаў аграсядзібаў і патэнцыйных інвестараў, піша svaboda.org.
Незвычайныя тарканы турбуюць жыхароў дома па вуліцы Карла Маркса ўжо восем гадоў. Вялікія насякомыя выпаўзаюць ноччу з-пад падлогі і розных шчылін. Мясцовыя кажуць, што праблема пачалася пасля таго, як у іх стогадовым жыллі сталі рамантаваць дах.
Пра адметнасці новай крамы “Багач” і планы на будучыню расказаў газеце “Перспектыва” дырэктар “Гроднааблсаюздрука” Павел Скрабко.
Каля 20 картынгістаў удзельнічалі ў спаборніцтвах чарговага этапа гарадскога турніра Хобі-карт-2016, што прашлі ў Гродне 27 жніўня. Спаборніцтвы сярод аматараў картаў, старэйшых за 16 гадоў, арганізаваў клуб “Віраж”. Судзілі гонку вядомы гарадзенскі картынгіст Уладзіслаў Міргародскі і ўладальнік карт-клуба Яўген Ганісеўскі. Пераможцам стаў 31-гадовы Андрэй Аксёнаў.
Будаўнік загінуў на пляцоўцы будаўніцтва АЭС у пятніцу, 26 жніўня. Здарэнне адбылося ў расійскай субпадраднай арганізацыі, паведамілі ў аддзеле інфармацыі і грамадскіх сувязей БелАЭС.
28 жніўня гарадзенцы маглі прыручыць цмокаў. У кавярні “Шэкспір”, дзе “самая лепшая кава на раёнчыку”, прайшла прэзентацыя настольнай гульні, у якую цікава пагуляць і дзецям, і дарослым.
Клініка “Сябры” працуе ў Гродне з вясны 2016. Адкрыта ўдзень і ўначы. Тэрміновая дапамога, планавыя прыёмы, аперацыі, аналізы, рэнтген – як у сапраўдным шпіталі. Толькі пацыенты клінікі маюць “падвышаную лахматасць” – гэта хатнія жывёлы. Для многіх гаспадароў яны сталі сапраўднымі сябрамі ці нават чальцамі сям’і. Пра іх стан здароўя гаспадары клапоцяцца не менш, чым пра ўласны. Таму, ствараючы клініку, Кацярына Хамуціннік, галоўны лекар, кандыдат ветэрынарных навук, адразу вырашыла – тут будзе “ўсё як у людзей”.
Клуб вогненнага шоў Fire Flash выступіў на пляцоўцы ля Моладзевага цэнтра “Гродна” суботнім вечарам 27 жніўня. Гарадзенцам паказалі танцы з агнём і акрабатычныя нумары з палаючымі факеламі. Праўда, каб дачакацца іх выступу, прыйшлося стаяць на Савецкай амаль гадзіну.
