Спектакль паводле п’есы Казіса Саі “Клеменс” паставіў ў Гродзенскім драматычным тэатры рэжысёр з Мінска Міхаіл Лашыцкі. У спектаклі зайграюць амаль усе акторы тэатра, а галоўную ролю сыграе непрафесійны актор. Першы прэм’ерны паказ адбудзецца ў Гродне 10 чэрвеня, але рэжысёр прызнаўся, што цалкам паглядзіць пастаноўку дзесці на дзясяты раз, калі спектакль ужо “прыжывецца” да сцэны і гледачоў.
У час урачыстага адкрыцця на беразе Нёмана скульптуры ладдзі-насада – павялічанай копіі шахматнай фігуркі, знойдзенай на раскопках на замку – не раз казалі, што ў Гродне не хапае малых архітэктурных форм, і што трэба шукаць ідэі для турыстучнага брэнду Гарадзеншчыны. Аўтар ідэі скульптуры Сяргей Каляда і скульптар Уладзімір Панцялееў для “Твайго стылю” паразважалі пра мастацтва ў гарадской прасторы і меркаваны брэнд горада.
У летнія адпачынкі да двух мораў – Балтыйскага і Чорнага – гарадзенцы цяпер могуць накіроўвацца наўпрост з роднага горада. 7 чэрвеня з гарадзенскага аэрапорта вылецелі першыя сёлета рэйсы ў Бургас і Калінінград. Абодва пералёты выконвае кампанія “Белавіа”.
За той час, што навучэнцы курсаў “Мова нанова” разам вывучалі граматыку ды лексіку, яны паспелі пазнаёміцца і пасябраваць. Таму да канца навучальнага года падыйшлі цеснай кампаніяй блізкіх людзей. Без лішняга пафасу выпускных “баляў” яны зладзілі танцавальную вечарыну на падворку Музея гарадскога побыту Януша Паруліса.
Фестываль нацыянальных культур гэта не толькі магчымасць “людзей паглядзець”, але і добры шанец “сябе паказаць”. Прычым – не толькі са сцэны. Гарадзенцы і госці горада, што 5 чэрвеня наведалі майстар-клас этнографа Сяргея Выскваркі, маглі ў тым упэўніцца. Наўпрост на вуліцы усе ахвотныя вучыліся пабытовым беларускім танцам.
Фестываль творчасці дзяцей і моладзі з інваліднасцю сабраў у сценах Лідскага замка творчых людзей з дзесяці спецыялізаваных дамоў-інтэрнатаў Беларусі. Разам з імі вышлі на сцэну зоркі беларукай эстрады. Канцэрт, дыскатэка, фаер-шоў і салют 3 чэрвеня не давалі сумаваць ні лідчанам, ні гасцям горада.
Смеццесартавальны завод, пабудаваны каля гарадзенскага палігона цвёрдых бытавых адходаў Рагачы-Выселкі, зараз рыхтуецца да эксплуатацыі. Каб абмеркаваць асаблівасці супрацы новага прадпрыемства з пастаўшчыкамі і перапрацоўшчыкамі смецця, 3 чэрвеня тут зладзілі сустрэчу будучых партнёраў. Да абмеркавання перспектыў завода далучылася і вялікая дэлегацыя спецыялістаў на чале з першым намеснікам прэм’ер-міністра Анатолем Калініным.
Здымкі незвычайнага падарожніка – польскага цацачнага мядзведзіка Місё – на фоне помнікаў дойлідства Гарадзенчшыны і вуліц Гродна з’явіліся ў сеціве ў канцы мая. З яго старонкі ў сацсетцы вынікае, што ён шмат падарожнічае: Іран, Турцыя, Украіна, Латвія і Узбекістан ужо адзначаныя візітамі Місё і засведчаны сэлфі-здымкамі. “Твой стыль” звязаўся з падарожнікам, каб даведацца, што прывяло яго ў Беларусь.
Спрэчкі паміж інспекцыяй прыродных рэсурсаў і аховы навакольнага асяроддзя ды прадпрыемствам па выпуску ламіната і драўляна-стружкавых пліт “Кронаспан” узнікаюць не першы раз. Толькі за 2015 год прадпрыемства чатыры разы прыцягвалі да адказнасці за парушэнне прыродаахоўнага заканадаўства. Сёлета нагодай для чарговага штрафа стаў зліў сцёкавых водаў, забруджаных фармальдэгідам, у Вілію. За гэта “Кронаспан” пакаралі штрафам каля 100 млн. Не згодны з пакараннем, “Кронаспан” звярнуўся ў суд, каб абскардзіць рашэнне інспекцыі. Паседжанне суда адбылося 1 чэрвеня.
Знайсці новае ў старым удалося Юрыю Дубовіку двойчы ў адным праекце. Найперш – з вядомых у Гродне музыкаў, што граюць у розных калектывах, сабраць новы гурт. А яшчэ – нанова адкрыць для сябе гучанне беларускага слова і музыкі. На канцэрце ў гарадскім доме культуры гурт “Вочы” зайграў для гарадзенцаў свой дэбютны альбом “…Усё бачаць”.
