У цішыні, але не ў крыўдзе. Як гарадзенка выхоўвае глухога ад нараджэння сабаку

Маленькага спаніеля Каця Шобат атрымала ў падарунак ад сябра. Праз пару дзён стала зразумела – шчанюк нічога не чуе. У поўнай цішыні сабачай глухаты павісла пытанне – як быць далей? Адказ на яго  мог даць толькі голас сэрца.

Ратавальнікі ствараюць у Лідзе інавацыйны “Цэнтр бяспекі”

|

Будынак былога пажарнага дэпо ў Лідзе неўзабаве ператворыцца ў абласны “Цэнтр бяспекі” з інтэрактыўнымі квэстамі, сімулятарамі надзвычайных становішчаў і камп’ютарнымі гульнямі-тэстамі. Кіраўнік Гродзенскага аддзялення МНС Сяргей Шпарло паведаміў, што будынак прайшоў рэканструкцыю, гатова ўся праектная дакументацыя, а ўвосень чакаеццца ўвод у дзеянне першай часткі адукацыйнага комплекса.

Папярэджаны – значыць, абаронены. Мабільны дадатак ад МНС дапаможа ў надзвычайных сітуацыях

|

Атрымаць паведамленне аб штармавых папярэджаннях і правілах паводзін пад час надзвычайных здарэнняў могуць карыстальнікі мабільнага дадатка “МЧС Беларуси: Помощь рядом”. “Адна з галоўных функцый МНС – своечасова папярэдзіць людзей аб небяспецы”, – зазначыў на прэс-канферэнцыі 21 ліпеня кіраўнік Гродзенскага упраўлення МНС Сяргей Шпарло. Ён лічыць, што мабільны дадатак дапаможа карыстальнікам зарыентавацца і эфектыўна дзейнічаць ў  нестандартных сітуацыях. 

“Паміж роварам і музыкай не выбіраю”. На веламарафоне “Суседзі” гучала музыка ад DJ-раварыста

На веламарафоне “Суседзі-2016”, які прайшоў 16 ліпеня на Аўгустоўскім канале, гучала музыка з падборкі гарадзенскага дыджэя Аліка Хамяка. Ён карыстаецца роварам у штодзённым жыцці, але мяркуе, што на выбар арганізатараў паўплывала не гэта, а яго музыка. Разам з дыджэям-раварыстам мы паразважалі пра музычныя фішкі марафона, ровары ў горадзе і нават пра надвор’е.

Канкур у гонар вызвалення. У Каробчыцах прайшлі спаборніцтвы вершнікаў

|

Спаборніцтвы па канкуру, прымеркаваныя да дня вызвалення Гродна, прайшлі ў маёнтку “Каробчыцы” 16 і 17 ліпеня. На манеж выйшла больш за 30 вершнікаў. Удзельнікамі спаборніцтваў сталі  навучэнцы дзіцяча-юнацкай конна-спартыўнай школы “Прагрэс Верцялішкі” і клуба “Амадэус”.

“Цікавая траса і файная музыка”. Веламарафон “Суседзі” – не толькі спорт

|

Веламарафон “Суседзі-2016”, што праходзіў 16 ліпеня, сабраў аматараў ровара не толькі дзеля спартыўных вынікаў. Многія прыязджалі сюды не першы раз, з сем’ямі, каб пабавіць час на прыродзе і сустрэцца з сябрамі-раварыстамі. Сёлетні марафон прапанаваў праверыць не толькі свае сілы на дыстанцыі, але і ўдачу. Пасля сканчэння марафона сярод удзельнікаў правялі латарэю, дзе галоўным прызам быў ровар. А музыка гучала над Аўгустоўскім каналам цэлы дзень.

Веламарафон за дзве хвіліны: адчуйце настрой свята (відэа)

Веламарафон Суседзі-2016 праходзіць на Аўгустоўскім канале ўжо шосты раз. Сёлета ён сабраў 686 прыхільнікаў двух колаў. Сярод іх 356 удзельнікаў праехалі паўмарафон у 39 кіламетраў, 109 – адужалі марафонскую дыстанцыю ў 65. Удзельнікі прадстаўлялі Беларусь, Польшчу, Літву, Расію, Латвію і – упершыню ў гісторыі марафона – Аўстралію. Самы малодшы ўдзельнік імпрэзы меў 5 гадоў, а самы старэйшы – 68.

“Наука вне себя” запрашае гарадзенцаў “пахімічыць”

|

Майстар-клас “Каляровая хімія” пройдзе 16 ліпеня ў 15.00 у Гродзенскай абласной навуковай бібліятэцы імя Карскага. Студэнты хімічнага факультэта БДУ Вячэслаў Старэвіч і Мікіта Казубовіч прадэманструюць, як сухія формулы з падручнікаў ператвараюцца ў прыгожыя і каляровыя хімічныя рэакцыі. Сустрэча арганізавана ў межах некамерцыйнага праекта “Наука вне себя”, скіраванага на папулярызацыю навукі і пашырэнне магчымасцяў атрымаць новыя веды па-за сценамі навучальных устаноў.

“Стаў суддзёй – мусіш быць чэсным ва ўсім”. Іван Найдзёнаў пра асаблівасці судзейства веламарафона “Суседзі-2016”

“Суседскія” раварысты робяць апошнія прыгатаванні перад шостым веламарафонам, што пройдзе 16 ліпеня на Аўгустоўскім канале. Каб даведацца аб працы суддзяў і яе асаблівасцях на марафоне “Суседзі-2016”, мы сустрэліся з бяззменным галоўным суддзёй спаборніцтваў Іванам Найдзёнавым.

 

У Іўі дзяўчаты-падлеткі вучыліся быць журналісткамі і працаваць у музеі

|

У Іўі 7 ліпеня адбылася сустрэча  дзяўчынак-падлеткаў з ментарамі – прафесіяналамі ў галіне журналістыкі і мастацтва. Каб натхніць дзяўчат с невялікага горада на самаразвіццё і адукацыю журналістка Ганна Бонд і супрацоўнік нацыянальнага мастацкага музея Мікіта Моніч правялі майстар класы, дзе дзяўчаты пастрабавалі сябе ў якасці рэпарцёраў і музейшчыкаў. Акцыя ў Іўі ладзілася Фондам ААН у галіне народанасельніцтва Беларусі (ЮНФПА)  ў межах кампаніі “Дзяўчаты-падлеткі – пакаленне Мэтаў устойлівага развіцця 2015-2030”