З пачаткам восені ў СВК “Прагрэс-Верцялішкі” пачалі ўборку яблык. Каб сабраць ураджай з 67 гектараў сада, на сезонную працу дадаткова набралі каля 100 чалавек. Раннія гатункі яблыкаў ужо паступаюць ў крамы, больш познія будуць закладзены на захоўванне. Сёлета сад павінен даць не менш за 2,5 тысячы тон яблык.
Штогод 1 верасня паўтараецца знаёмая карціна. Школьнікі з букетамі ідуць на лінейку і школьны карабель ведаў (ці як там гэта зараз называюць) рушыць у плаванне. Дарослым застаецца толькі стаяць на беразе і настальгічна махаць хустачкай услед… Насамрэч, не! Восень багатая на навучальныя прапановы і для тых, хто выйшаў за межы школьнага і студэнтскага ўзросту. Калі хочацца змяніць прафесію, узбагаціць веды ці навучыцца рабіць штосці “для сябе”, то зараз – самы час пачынаць.
Кінолагі з атрада надзвычайнага рэагавання завіталі ў летнік “Зорька” 27 жніўня ў Міжнародны дзень Чырвонага Крыжа. Цягам года яны са сваімі чатырохлапымі гадаванцамі працавалі ў праекце “Кіналогія, што ацаляе” – праводзілі заняткі ў Цэнтры дзённага знаходжання Чырвонага Крыжа і наведвалі дзяцей з інваліднасцю дома.
Дзевяць дзён, з 24 жніўня да 1 верасня, у летніку “Зорька”, што месціцца на Юбілейным возеры, адпачывае асаблівая змена. Сюды запрасілі сем’і, што выхоўваюць дзяцей з інваліднасцю, а таксама дзяцей з сем’яў, што знаходзяцца ў сацыяльна небяспечным становішчы. Праводзіць летнік Гродзенскае аддзяленне Чырвонага Крыжа, фінансавую падтрымку ў арганізацыі аказалі вернікі з Японіі і Міжнародная федэрацыя Чырвонага Крыжа.
Каля 20 картынгістаў удзельнічалі ў спаборніцтвах чарговага этапа гарадскога турніра Хобі-карт-2016, што прашлі ў Гродне 27 жніўня. Спаборніцтвы сярод аматараў картаў, старэйшых за 16 гадоў, арганізаваў клуб “Віраж”. Судзілі гонку вядомы гарадзенскі картынгіст Уладзіслаў Міргародскі і ўладальнік карт-клуба Яўген Ганісеўскі. Пераможцам стаў 31-гадовы Андрэй Аксёнаў.
Клініка “Сябры” працуе ў Гродне з вясны 2016. Адкрыта ўдзень і ўначы. Тэрміновая дапамога, планавыя прыёмы, аперацыі, аналізы, рэнтген – як у сапраўдным шпіталі. Толькі пацыенты клінікі маюць “падвышаную лахматасць” – гэта хатнія жывёлы. Для многіх гаспадароў яны сталі сапраўднымі сябрамі ці нават чальцамі сям’і. Пра іх стан здароўя гаспадары клапоцяцца не менш, чым пра ўласны. Таму, ствараючы клініку, Кацярына Хамуціннік, галоўны лекар, кандыдат ветэрынарных навук, адразу вырашыла – тут будзе “ўсё як у людзей”.
Джон Вэбстэр з Шатландыі ездзіць на байку ўжо паўстагоддя. За гэты час ён скалясіў усю Еўропу, пабываў у Амерыцы, Аўстраліі і Новай Зеландыі, а сёлета, па запрашэнні гарадзенскіх сяброў-байкераў і Лідскага клуба Devoid of rights, завітаў у Беларусь.
Пасля публікацыі ў часопісе «Имена» артыкула пра тое, што на ўсю Беларусь – у Гродне – працуе толькі адна сацыяльная няня, якая даглядае малых-сірот у бальніцах, чытачы абурыліся настолькі, што вырашылі праблему за пару тыдняў. Яны дапамаглі Чырвонаму Крыжу наняць яшчэ шасцярых! Для дваіх сродкі пералічылі чытачы з Беларусі, яшчэ для адной – беларусы са штата Мінесота (ЗША), а яшчэ чатырох нянь прафінансаваў адзін з беларускіх ІТ-бізнесменаў. Так што цяпер няні будуць не толькі ў Гродне, але яшчэ ў Наваградку, Лідзе, Слоніме і Ваўкавыску! Вынік: у гэтым годзе каля 700 малых, ад якіх адмовіліся бацькі, не будуць самотна плакаць у закрытых бальнічных «боксах».
Цікавы фармат адпачынку – маляванне па матывах класічных карцін – прапануе ў Гродне суполка Red Art. Ахвотныя паспрабаваць сябе збіраюцца ў адной з гарадзенскіх кавярняў і пад кіраўніцтвам прафесійнага мастака ствараюць копію-інтэрпрэтацыю якой-небудзь знакамітай карціны. Філіжанка кавы, кубак чаю ці бакал віна спрыяюць разняволенай атмасферы сустрэчы, а каб голад не адцягваў увагу ад творчасці, у перапынку гасцям падаюць салат. Праз дзве гадзіны кожны удзельнік мае мноства добрых уражанняў і ўласнаручна створаны шэдэўр.
Меркаванне, што бізнесоўцаў цікавіць толькі прыбытак, не пасуе да прыкладу тых гарадзенцаў, што пачалі ўласную справу з сацыяльных праектаў. Пра тое, як танцы ды гульні сталі бізнесам, і як сумяшчаць працу дзеля грошай з магчымасцю рабіць нешта бясплатна дзеля агульнай карысці, распавялі гарадзенскія бізнесоўцы Жана Рамановіч, Антось Янкоўскі і Іван Петушок.
