Напярэдадні новага сезона трэнерскі штаб, гульцы і кіраўніцтва гарадзенскай каманды сустрэнуцца з заўзятарамі. Традыцыйна на сустрэчы будзе аб’яўлены новы склад каманды, а таксама агучаны планы на сезон 2016 года.
У суботу, 26 сакавіка, у дом ксяндза ў вёсцы Раготна Дзятлаўскага раёна забраўся 48-гадовы жыхар суседняй вёскі. Ён скарыстаўся тым, што святар вёў велікодную службу, і скраў сродкі парафіі – больш за 33 млн рублёў, 400 долараў і іншую маёмасць. Праўда, уцячы не змог – ксёндз акурат вярнуўся і затрымаў яго.
Другі тыдзень запар на плошчу Леніна выходзяць таксісты, якія збіраюць подпісы супраць увядзення новых таксометраў і абавязковага ўсталявання тэрміналаў. Іх там зусім вобмаль, але яны тлумачаць, што і не планавалі збіраць натоўпы.
Шаснаццаць гадоў таму бабуля Геня вярнулася ў Гродна, дзе некалі прапрацавала ўсё жыццё. Нарадзілася ж яна ў вёсцы Беражаны і колькі сябе памятае, у яе сям’і заўсёды была вялікая гаспадарка: некалькі кароў, цяляты, свіннi, гусі і куры. Таму і ў горадзе сталая жанчына не абыходзіцца без жывёл.
Каштан, якому зараз прыкладна 150 год, знаходзіцца зусім побач з домам-музеем Ажэшкі. Калі дом-музей мае статус гістарычнай каштоўнасці, хоць па факце з’яўляецца толькі копіяй сапраўднага дома Ажэшкі, зробленай за савецкім часам, каштан ніякага статусу не мае і балансуе на мяжы жыцця і смерці, піша “Гродзенскі зялёны партал”.
Рэканструкцыю аўтадарогі Мінск-Гродна за сродкі Сусветнага банка пачнуць у чэрвені, паведаміў 25 сакавіка на прэс-канферэнцыі ў Дзятлаве старшыня Гродзенскага аблвыканкама Уладзімір Краўцоў, перадае Белта.
На гэтым тыдні ўсталюецца вясенняе надвор’е з плюсавымі тэмпературамі і дажджамі.
У канцы лютага клірыкі Гарадзенскай епархіі прынялі удзел у конкурсе партала TUT.BY, каб атрымаць 30 кніг беларускіх аўтараў, якія яны паабяцалі перадаць парафіяльнай бібліятэцы. Пабачыўшы конкурснае відэа, Саюз беларускіх пісьменнікаў вырашыў падарыць літаратуру для бібліятэкі Пакроўскага сабора па-за межамі конкурса.
Упершыню за апошнія гады гарадзенскія лютэране адзначылі Вялікдзень не ў храме, а ў доме абшчыны. У самой кірсе пачаўся рамонт інтэр’ераў, які не праводзілі з часоў пабудовы царквы.
Больш за 400 псіхолагаў-практыкаў з усёй краіны сабраліся ў Гродне 24-26 красавіка, каб абмеркаваць тэму псіхалагічнай дапамогі ў крызісных сітуацыях. У гэтыя дні ў горадзе праходзіў Фестываль практычнай псіхалогіі, на якім прадставілі больш за 20 аўтарскіх методык і тэхналогій псіхалагічнай дапамогі.
