У Вялікі чацвер, 24 сакавіка, у Кафедральным саборы Францішка Ксаверыя прайшла імша “Хрызма”, у якой удзельнічалі ўсе каталіцкія святары Гродзенскай дыяцэзіі. Набажэнства, якое ўзначаліў біскуп Аляксандр Кашкевіч, падкрэслівае адзінства ўсяго духавенства епархіі.
Супрацоўнікі Ашмянскай мытні абвяргаюць звесткі, быццам затрымалі фуры з канцэртным рэквізітам Філіпа Кіркорава на палову сутак. Сам расійскі артыст заяўляў, быццам праз дзеянні беларускіх мытнікаў ён вымушаны на адны суткі перанесці канцэрты ў Вільні і Клайпедзе. Таксама Кіркораў паведамляў, што на мытным пункце “Каменны Лог” яго пратрымалі больш за гадзіну.
24 сакавіка 16-павярховы будынак 1986 года пабудовы быў прададзены на аўкцыёне, паведамляе БЕЛТА. Новым уласнікам будынка стала ТАА “Гандлёва-прамысловая карпарацыя “Цюань Шэн” з кітайскай правінцыі Ганьсу. Кошт пакупкі склаў каля Br 63 млрд.
Чатыры гады ў турме – такі вырак суда пачуў 37-гадовы Юрый К. у Акружным судзе Варшавы 23 сакавіка. Суддзя палічыў, што ён з 2009 да 2014 года выконваў наўпрост заданні беларускай вайсковай выведкі, фатаграфуючы важныя ваенныя аб’екты, у тым ліку базы авіяцыі і флоту. Па версіі пракуратуры, Юрый К. кантактаваў з беларускім афіцэрам па мабільным тэлефоне, такім чынам ён атрымліваў інструкцыі.
Ці мае Гродна шанцы стаць крэатыўным горадам? І ці патрэбна гэта? Можа быць, лепш ствараць калектыўны горад? Адказ на гэтыя пытанні гарадзенцы шукалі 23 сакавіка ў клубе “Партал” на прэзентацыі конкурса праектаў “Горад”. У Гродна па запрашэнні сайта “Твой стыль” завітала каардынатарка конкурса Надзея Ількевіч.
Вялікая субота для католікаў – дзень надзеі і малітоўнага чакання ўваскрасення Хрыста. У гэты дзень людзі ідуць у святыню, каб асвяціць стравы на велікодны стол. Сёлета Вялікая субота наступіць ужо хутка – 26 сакавіка. Catholic.by тлумачыць, што і навошта трэба пакласці ў велікодны кошык.
Каля 12.00 у Гродне эвакуіравалі частку жыхароў дзевяціпавярховіка па вуліцы Захарава, а таксама супрацоўнікаў офісаў і крамаў, якія знаходзяцца на першым паверсе будынка. Прычынай экстраннай эвакуацыі стала паведамленне аб замініраванні.
З прыходам вясны ў гарадзенскім Свята-Пакроўскім кафедральным саборы пачаліся рамонтна-аднаўленчыя работы. Апошні раз яны праходзілі больш за 10 гадоў таму, яшчэ ў пачатку 2000-х.
Барберы Яраслаў і Рома з гарадзенскага барбершопа Pride расказалі “Твайму стылю”, што трэба рабіць з барадой у хатніх умовах, каб яна была прыгожай і густой.
Сіноптыкі абяцаюць цёплае надвор’е з канца тыдня. Засумаваўшы па прыродзе, гараджане пачнуць масава выязджаць за горад. “Гродзенскі Зялёны партал” даведаўся, дзе ў Гродне і ваколіцах можна легальна разводзіць вогнішча і колькі будзе каштаваць грыль-пікнік у лесе ў недазволеным месцы. Платныя і бясплатныя стаянкі, дзе абсталявана усё неабходнае для вячорак ля вогнішча, ёсць на адмысловай карце.
