Вечарам 22 сакавіка на вуліцы Болдзіна, паблізу лазні, аўтамабіль збіў жанчыну, якая пераходзіла дарогу па пешаходным пераходзе разам са сваім сабакам. Жывёла загінула на месцы, жанчыну з рознымі пераломамі шпіталізавалі.
Рэшткі найстарэйшага дрэва з парку Жылібера, спілаваныя раніцай 22 сакавіка, вывезлі на тэрыторыю Зелянбуда. Зараз яго супрацоўнікі чакаюць далейшых загадаў. Ёсць верагоднасць, што з фрагменту ствала ўсё ж зробяць скульптуру, якую паставяць на месцы дрэва.
Велізарны будынак над Нёманам, недалёка ад Старога мосту, прыцягвае ўвагу тых, хто ўзбіраецца на пагорак каля Францішканскага касцёла і аглядае гістарычны цэнтр горада. Цяпер будынак прыцягвае ўвагу яшчэ больш, бо на ім з’явілася рэклама фірмы “Керамін”. Хоць архітэктурныя чыноўнікі і паабяцалі разабрацца, аднак, гледзячы па ўсім, правісіць яна яшчэ доўга.
Бегавы клуб Run4Fun сумесна з фітнес-клубам “Боди-Арт” правядзе 23 сакавiка бясплатную трэніроўку, на якой гарадзенцам раскажуць пра бег і падрыхтоўку да марафонскай i паўмарафонскай дыстанцый.
Двух непрацуючых гарадзенцаў 30 і 26 гадоў затрымалі 19 сакавіка. Іх падазраюць у тым, што з верасня 2015 года яны набывалі праз інтэрнэт асабліва небяспечныя псіхатропныя рэчывы, а потым прадавалі іх пры дапамозе так званых закладак, а таксама ўжывалі самі. Таксама яны ўцягнулі ў незаконны абарот псіхатропаў яшчэ двух гарадзенцаў 29 і 27 гадоў, якія займаліся вытворчасцю псіхатропаў.
Музей гісторыі Аўгустоўскага канала плануюць адкрыць 1 мая на беразе рукатворнага воднага шляху, паведамілі ў галоўным упраўленні ідэалагічнай работы, культуры і па справах моладзі Гродзенскага аблвыканкама, піша Белта.
Зялёны чай вядомы людзям больш за 4000 гадоў і з’яўляецца сапраўднай скарбонкай прыродных карысных рэчываў. У яго склад уваходзяць злучэнні таніна, поліфенолаў і катэхінаў, вітаміны груп А, В, С і Р, амінакіслоты, ферменты і шэраг мікраэлементаў. Як прыгатаваць чай, каб атрымаць ад напою максімум карысці, расказала Ірына Жыхар, кіраўнічка Цэнтра падтрымкі анкапацыентаў “У імя жыцця”. Спрабуем скарыстацца яе парадамі ў хатніх умовах.
Ірыне Жыхар анкадыягназ ставілі двойчы. Першы раз у 27, другі – праз 14 гадоў. Пра ўласны досвед барацьбы з хваробай, важнасць асабістага ўнёску і грамадскай дзейнасці ў барацьбе з хваробай яна распавяла на сустрэчы “Жыццё пасля раку”, што адбылася 16 сакавіка ў Гродне.
У аўторак, 22 сакавіка, з самай раніцы, супрацоўнікі Зелянбуда ўзяліся за спiльванне старога ясеня ў парку Жылібера. Са слоў рабочых, яны атрымалі такі загад зверху. Яны не ведалі, што з ясеня збіраюцца зрабіць помнік.
V Абласны Фестываль практычнай псіхалогіі “Свет у псіхалогіі і псіхалогія ў свеце” пройдзе ў Гродне 24-26 сакавіка. Гэтым разам ён будзе прысвечаны тэме псіхалагічнай дапамогі ў крызісных сітуацыях. У межах фестывалю адбудзецца шэраг лекцый і майстар-класаў, конкурс студэнцкіх метадычных распрацовак, фестываль валанцёрскіх атрадаў, фотавыстава і ярмарка літаратуры па псіхалогіі. Усе мерапрыемствы фестываля будуць адбывацца ў сярэдняй школе №38 па адрасе вул. Вішнявецкая, 14.
