Сіноптыкі абяцаюць цёплае надвор’е з канца тыдня. Засумаваўшы па прыродзе, гараджане пачнуць масава выязджаць за горад. “Гродзенскі Зялёны партал” даведаўся, дзе ў Гродне і ваколіцах можна легальна разводзіць вогнішча і колькі будзе каштаваць грыль-пікнік у лесе ў недазволеным месцы. Платныя і бясплатныя стаянкі, дзе абсталявана усё неабходнае для вячорак ля вогнішча, ёсць на адмысловай карце.
Дома ў гарадзенскай 14-гадовай школьніцы Карыны Буча жывуць два каты – Энштэйн і Боб Марлі. Для невялікай гарадской кватэры гэтага дастаткова, а для цікаўнага падлетка, што любіць жывёлаў, малавата. Каб быць бліжэй да жывёл, даглядаць іх і назіраць за паводзінамі, Карына па-валанцёрску працуе ў заапарку і займаецца конным спортам.
Зялёны чай вядомы людзям больш за 4000 гадоў і з’яўляецца сапраўднай скарбонкай прыродных карысных рэчываў. У яго склад уваходзяць злучэнні таніна, поліфенолаў і катэхінаў, вітаміны груп А, В, С і Р, амінакіслоты, ферменты і шэраг мікраэлементаў. Як прыгатаваць чай, каб атрымаць ад напою максімум карысці, расказала Ірына Жыхар, кіраўнічка Цэнтра падтрымкі анкапацыентаў “У імя жыцця”. Спрабуем скарыстацца яе парадамі ў хатніх умовах.
Ірыне Жыхар анкадыягназ ставілі двойчы. Першы раз у 27, другі – праз 14 гадоў. Пра ўласны досвед барацьбы з хваробай, важнасць асабістага ўнёску і грамадскай дзейнасці ў барацьбе з хваробай яна распавяла на сустрэчы “Жыццё пасля раку”, што адбылася 16 сакавіка ў Гродне.
Швецыя – краіна, знакамітая імкненнем да гендарнай роўнасці, сацыяльна арыентаванай эканомікай і вялікай колькасцю мігрантаў, якія сцякаюцца сюды з усяго свету. Пра тое, як уладкаваны побыт звычайнай шведскай сям’і, чаму хлопчыкам у дзіцячым садзе дазваляюць апранацца ў сукенкі і што ўяўляе сабой бясплатная моўная школа для мігрантаў, распавяла LADY.TUT.BY ураджэнка Гродна Аляксандра Маслава, якая жыве ў Стакгольме ўжо пяць гадоў.
“Твой стыль” завітаў ў ліцэй №1, дзе навучаўся стваральнік нашумелага беларускага стартапу Masquerade, які нядаўна выкупіў Марк Цукерберг.
Бэз, коні, адбітак сонца ў вадзе, браткі, рамонкі, зімовая дарога, цюльпаны… Са сценаў кватэры Ганны Чуканавай вокнамі ў іншыя вымярэнні адрываюцца яе карціны. Да “наіўнага жывапісу”, як зараз акрэсліваць мастацтвазнаўцы творчасць гарадзенскай мастачкі, прывялі яе жыццёвыя дарогі і не адна пара намаляваных і стаптаных чаравікаў.
У інтэрнэце гэты дом у цэнтры Гродна згадваецца як “Замак Дракулы”. Стаіць недабудаваны катэдж каля старых каталіцкіх могілак і выглядае на фоне пахмурнага вясновага неба і замшэлых крыжоў змрочна і нават злавесна. Гатычны гмах, пра які ў горадзе ходзяць розныя чуткі, даўно стаў адной з неафіцыйных славутасцяў абласнога цэнтра. Але вядома пра яго зусім няшмат.
Аканнi Чэмзi Прынц Чарльз – менавіта так клічуць нігерыйскага студэнта, які прыехаў у Гродна ў 2014 годзе і пайшоў вучыцца не на падрыхтоўчы курс, а адразу ў Медыцынскі ўніверсітэт. Вучоба ў Беларусі – нармальная з’ява для афрыканскай моладзі. Прынц – ужо чацвёрты чалавек са сваёй сям’і, які прыехаў па адукацыю ў Еўропу.
Уладальнікі гродзенскай крамы “Прадукты для здароўя” Таццяна Стрыжанкова і Павел Харыонаў прэзентавалі гарадзенцам карысныя прадукты. Прэзентацыя-дэгустацыя прайшла 12 сакавіка ў веган-бары Nesterka.
