Удзельнікі з 14 гарадоў Беларусі прыехалі ў Мінск, каб пазнаёміцца, распавесці пра свае праекты, знайсці аднадумцаў і пагутарыць з экспертамі. Глядзіце другі выпуск шоў “Горад” на TUT.BY.
Сяргей і Марына Бандарэнка некалькі гадоў таму з’ехалі са Смаргоні, змяніўшы гарадскую кватэру на сельскі побыт у невялікай вёсачцы Чухны, што ў Гродзенскай вобласці. Вырашылі, што цяпер, калі дзеці выраслі і з’ехалі вучыцца, у горадзе іх нічога больш не трымае. Муж і жонка купілі дом, заняліся рамесніцтвам і хатняй гаспадаркай, сталі разам ляпіць з гліны цацкі. Сяргей асвоіў мастацкую апрацоўку металу. Прадаваць свае працы сям’я выязджала да руін замка ў суседнім Крэва – на радасць турыстам, стомленым ад «кітайскіх магніцікаў». Тут, ля руінаў, і прыйшла да іх ідэя пабудаваць уласны замак. Дакладней, яго маштабную копію.
Гродна стаў першым рэгіянальным горадам, дзе прэзентавалі настольную гульню “Мракоборцы”, пабудаваную на беларускім фалклоры ды аднайменнай кнізе. Прэзентаваў гульню яе стваральнік Ілля Бутаў, а тэсціравалі распрацоўку наведвальнікі цэнтра адпачынку і развіцця “Портал”.
За два гады піваварнага досведу Андрэй Кізюкевіч склаў каля 30 аўтарскіх рэцэптаў і зварыў каля 1000 літраў піва. Яго маркі хмельнага напою не маюць абмежаванняў для захоўвання, а фантазія майстра – для творчых пошукаў. Пачыналася ж усё з дзіцячых кніжак ды сяброўскіх абяцанак.
Сям’я з Гродна пераехала ў вёску, дзе робіць натуральныя прадукты і вучыць дзяцей з асаблівасцямі катацца на конях. Пра вясковы лад жыцця, хатні сыр маскарпонэ, сцежку натуральных адчуванняў для дзяцей і незвычайны спосаб пасадкі гародніны і зеляніны з Сяргеем і Антанінай Вавілавымі паразмаўляла карэспандэнтка Гродзенскага Зялёнага партала.
Для гарадзенца Аляксандра Зіміна, які жыве з дыягназам ДЦП, аўтамабіль – не раскоша, а магчымасць зарабляць і займацца грамадскай дзейнасцю. Гэтую магчымасць у яго забралі летась, не выдаўшы чарговай медычнай даведкі. Ніхто не ўлічыў, што тры гады ён ездзіў без адзінага інцыдзенту і скончыў курсы контраварыйнага кіравання. Але рашэнне РНПЦ экпертызы і рэабілітацыі – вышэйшай медыцынскай інстанцыі ў гэтай справе – не пажыццёвае. Аляксандр збіраецца прайсці медкамісію зноў. Гэтым разам, патрабуючы абгрунтавання – згодна з якімі пунктамі заканадаўства і па якіх медыцынскіх паказчыках ён не мае права кіраваць аўтамабілем.
Гарадзенскі падарожнік амаль дайшоў да Лагойска, калі з ім звязаліся людзі, ахвотныя дапамагчы з рэчамі. Каб атрымаць і праверыць новую экіпіроўку, ён быў вымушаны прыпыніць свой шлях амаль на месяц.
“Тры крамы пад адным дахам” – менавіта так апісваюць сваё месца працы тры маладыя прадпрымальнікі з Гродна. Яшчэ год таму кожны з іх працаваў паасобку, але мінулай вясной хлопцы аб’ядналіся, каб стварыць агульны праект – “Краму Ц”. Адзін з іх – 30-гадовы Антон Янкоўскі – дзеля ўласнай справы адмовіўся ад працы выкладчыка. І не шкадуе.
“Крама Ц” спалучыла ў сабе тры крамы, клуб настольных гульняў, лекцыйную залу, кавярню і такім чынам аб’яднала людзей розных інтарэсаў і поглядаў. 16 красавіка “Крама Ц” адсвяткавала Дзень нараджэння. Мы падрыхтавалі кароткую справаздачу ў лічбах пра першы год працы.
Пазнаёміцца з касманаўтам, героем свайго школьнага сачынення, і стаць дэпутаткай гарсавета ў савецкім “Зоркаградзе” выпала Марыі Станіславіч, калі на пачатку 1980-х лёс і служба мужа–вайскоўца закінулі яе ў сталіцу савецкага космаса. Так называлі не пазначаны на мапах горад Ленінск, дзе жылі супрацоўнікі Байканура. Сваімі ўспамінамі пра касмічныя старонкі жыцця яна падзялілася з “Тваім стылем”.
