Мінскіх гасцей Глеба Лабадзенку і Алесю Літвіноўскую прыемна здзівіла колькасць чалавек, што прыйшлі 14 сакавіка на прэзентацыю “Мова нанова” ў Гродне. Па іх словах, у Бабруйску на такую імпрэзу прыйшло 20 чалавек, у Гомелі – 30. У Гродне ж – каля 100.
Наколькі папулярныя кватэрнікі сярод гарадзенцаў, якімі былі раней, дзе з цягам часу будуць праводзіцца і што чакае гэтую з’яву ў будучыні? Пра канцэрты ў кватэрах даведвалася карэспандэнтка “Твайго стылю”.
Паштоўкі, падрыхтаваныя валанцёрамі партала Grodnensis.by, спалучаюць працы маладых беларускіх дызайнераў, графікаў і мастакоў з вершамі беларускіх паэтаў. Сёння, 9 сакавіка, працы можна было пабачыць і набыць у Фарным касцёле.
Выстава “Вестачка да свята” адкрылася ў Музеі гісторыі рэлігіі 5 сакавіка. Старыя паштоўкі ХІХ і ХХ стагоддзя, прадстаўленыя на выставе, прысвечаныя Калядам, Вялікадню, Новаму Году, а таксама савецкім святам, такім як 8 сакавіка і 23 лютага.
Традыцыйныя “Провады зімы” прайшлі ў Пышках 1 сакавіка. Як штогод, не абыйшлося без салдацкай кашы, выступаў вайскоўцаў ды маржоў. Хіба толькі снегу ўжо даўно не было.
У Гродне 22 лютага прайшоў канцэрт-трыб’ют AC/DC, на якім выступіў украінскі гурт з амаль што ідэнтычнай назвай AS/DS. Нагоды было ажно тры: аддаць даніну памяці першаму вакалісту Бону Скоту, адзначыць 40-годдзе гурта, а таксама – Дзень абаронцы Айчыны.
У пятніцу 21 лютага адбылася прэзентацыя новай кнігі Дануты Бічэль “Правінцыя Святого Францішка”. Гэта трэцяя кніга прозы аўтаркі і, па яе словах, апошняя.
Канцэрт хораў з Расіі і Арменіі прайшоў 21 лютага ў Новым замку ў межах XIII фестывалю праваслаўных спеваў “Каложскі дабравест”. Выступілі хор Маскоўскага старабрадніцкага кафедральнага сабора Пакрова Божай Маці і хор “Аватамк” царквы святога Рыгора асветніка Эчміядзінскага манастыра з Арменіі.
Выстава чальцоў Саюза мастакоў Літвы пад назвай “Памяць і адценні часу” адкрылася ў Гродзенскай выставачнай зале 20 лютага. Яна прысвечана 300-годдзю з дня нараджэння літоўскага паэта Крысцыенаса Данелайціса і прымеркавана да 96 гадавіны адраджэння літоўскай дзяржаўнасці.
Выстава, якая складаецца з больш чым 100 ікон, кніг і іншых прадметаў, прысвечаных святому Мікалаю, працуе ў межах ХІІІ Фестывалю праваслаўных спеваў “Каложскі дабравест”.
