Другі вечар з цыклу “Нядзеля ля Палаца” прайшоў 17 ліпеня на Савецкай плошчы ў Гродне. На прыступках Палаца культуры Тэкстыльшчыкаў выступіў мінскі квартэт, які грае на канцэртах J:морс. У ход пайшлі габой, скрыпка, альт і кантрабас. Таксама выступіла дыпламантка міжнародных конкурсаў, вакалістка Марына Гаравая.
Спецыяльныя перакладныя слоўнікі для Гродзенскага дзяржаўнага ўніверсітэта імя Янкі Купалы не ў навіну. У 1999 годзе тут выдалі руска-беларускі фізічны слоўнік, які актыўна выкарыстоўваецца ў навучальнай рабоце, перакладчыцкай дзейнасці і ў выдавецтвах. А нядаўна падрыхтавалі да друку яго новы, дапрацаваны варыянт — чатырохмоўны руска-беларуска-нямецка-англійскі фізічны слоўнік. Ствараў гэты слоўнік гурт з васьмі навукоўцаў на чале з кіраўніком аўтарскага калектыву, доктарам філалагічных навук, прафесарам Паўлам СЦЯЦКО. Навуковы рэдактар — доктар фізіка-матэматычных навук, дырэктар Міжнароднага экалагічнага інстытута імя Д. Сахарава Сяргей МАСКЕВІЧ.
На трэці дзень фестывалю “Кинемо” ў Гродне, 10 ліпеня, у дворыку Музея гісторыі рэлігіі паказвалі фільм Альфрэда Хічкока “Жылец”. Суправаджэнне 90-гадовай стужкі жывой музыкай выконвалі кампазітары, лаўрэаты шматлікіх музычных конкурсаў Віталь Эпаў і Вольга Падгайская.
Першы з цыклу летніх канцэртаў “Нядзеля ля палаца” прайшоў на прыступках колішняга Палаца культуры тэкстыльшчыкаў увечары 10 ліпеня. Для гарадзенцаў, што сабраліся на Савецкай плошчы, выступілі школа афра і лацінаамерыканскіх танцаў “ДэнсАрт”, дуэт “Магніт”, тэатр гумару “Канкан”, фрык-тэатр “Гексаген”, джазавае “Арт-трыа” Ігара Гіро, аркестр МНС ды віртуоз-балалаечнік Аляксандр Варанішча.
Палякі з Modular String Trio 8 ліпеня ў дворыку Музея гісторыі рэлігіі агучылі класічнае нямое кіно 20-х гадоў “Прывід оперы”. Фестываль “Кинемо”, нягледзячы на не самае цёплае надвор’е, традыцыйна сабраў дзясяткі гледачоў. Сагрэцца з гэты вечар дапамагала суседняя кавярня “Наша кава”.
Ці існуе ў Гродне альтэрнатыва рэпертуарным тэатрам? Аматарскі тэатр “6-я Студия” ўзнік два гады таму і пачаўся з аб’яў рэжысёра Георгія Вайтко, якія ён расклейваў ва ўніверсітэце. З таго часу паспела скласціся асноўная трупа, аформілася канцэпцыя, назапасіўся досвед, а гледачы пабачылі пастаноўку п’есы Сартра “За зачыненымі дзвярыма”.
Для Гродзенскай выставачнай залы імпрэза, што адбывалася 5 ліпеня, стала незвычайнай. Выстава-перформанс “ТЕЛОвыражение” прадставіла гарадзенцам вынікі сумеснай працы фатографа Святланы Лебедзь і танцавальнай кампаніі “Начало”. Тут паказваюць тое, што немагчыма выразіць праз словы.
Кур’ёзны білборд, на якім пераблыталі Янку Купалу і Якуба Коласа, адзначылі на Сёмым фестывалі беларускамоўнай рэкламы і камунікацыі aDNaK. Антыпрэміяй “Каша сувораўская” ўзнагароджваюць рэкламныя прадукты, якія дэманструюць непрафесійны падыход аўтараў да іх стварэння, адзначаюцца грэблівым, няўважлівым і неахайным стаўленнем да гісторыі і культуры Беларусі.
Таму, хто не быў 30 чэрвеня на прэзентацыі новай кнігі Андрэя Вашкевіча і Віктара Саяпіна, пашанцавала. Прынамсі, у гэтых людзей быў шанец спакойна спаць наступнай ноччу. Я ж правяла добры яе кавалак “на гродзенскім бруку”.
У першы дзень фестывалю, 25 чэрвеня, на адкрытай пляцоўцы ля гарадзенскага Новага замку выступілі Біг-бэнд Гродзенскай філармоніі пад кіраўніцтвам Барыса Мягкова ды ізраільска-нямецка-літоўскі праект Ganelin Trio Priority.
