Той, хто пасля мінулагодняга Mirum’а чакаў вялікіх чэргаў, праблем з лайнапам ці агульнага хаосу – памыляўся. Фестываль у 2016-м пачаўся спакойна, без касякоў з боку арганізатараў, затое з вялікімі эмоцыямі ад музыкі, што напоўніла летні вечар.
У гэтым годзе ў пленэры прымаюць удзел дзесяць майстроў з пяці краін. У Гродна вопытныя разбяры прыехалі з Украіны, Літвы, Польшчы, Расіі і Беларусі. Асноўная тэма пленэра – “Ажыўшыя казкі”, паведамляе тэлеканал “ГроднаПлюс”.
Імя беларускай паэткі і хрысціянкі Ларысы Геніюш мае бібліятэка, створаная сёлета пры Каложскай царкве ў Гродне. У дзень нараджэння паэткі, 9 жніўня, тут прайшлі першыя Геніюшаўскія чытанні. Прагучалі вершы і песні на яе словы, а сучаснікі і паплечнікі прыгадалі пра сустрэчы з паэткай і няпросты лёс творцы.
Выставу падрыхтаваў “Дом літаратуры Берліна”, у Беларусі партнёрамі выступіла гарадзенская творчая прастора “ДОМ 46”. На выставе прадстаўленыя дакументы, фотаздымкі і мастацкія творы пра турмы, ссылкі і лагеры, праз якія прайшоў вядомы расійскі пісьменнік Варлам Шаламаў. Наведнікі выставы могуць паглядзець фільм пра жыццё і творчасць Шаламава, паслухаць расповед пра эпоху сталінізму, піша svaboda.org.
«Выцінанкі рабілі ад Калядаў і да Калядаў. Пры гэтым кожныя паўгода хату ўпрыгожвалі па-рознаму. Сядалі жанчыны і выразалі фіранкі ды ўпрыгожванні», — расказвае гродзенскі майстар Станіслаў Муліца парталу TUT.BY.
Чацвёрты вечар “Нядзеля ля Палаца”, які прайшоў 31 ліпеня, парадаваў гарадзенцаў шматлікімі гатункамі харэаграфічнага мастацтва. Дзевяць танцавальных калектываў і DJ Eli тры гадзіны не давалі гараджанам сумаваць.
Трэці канцэрт з цыклу “Нядзеля ла палаца”, які прайшоў 24 ліпеня, быў прысвечаны гарадскому рамансу і шансону. Выступілі гарадзенскія рускамоўныя барды з аўтарскімі песнямі: Анатоль Кулакоўскі, Андрэй Татур, дуэт Вольгі Галаўні з Сяргеем Іллюшэнкам. Адзіная за ўвесь вечар беларускамоўная песня “Малюю свой горад” прагучала з вуснаў Вольгі Калмаковай.
Свята з нагоды закрыцця 35 тэатральнага сезона адбылося ў Гродзенскім тэатры лялек 24 ліпеня. Юныя тэатралы разам з бацькамі і артыстамі ўдзельнічалі ў конкурсах, бавіліся з лялькамі, гулялі ў настолкі ад крамы “Кубік” і частаваліся слодычамі ад кавярні “Шэкспір”. Каб за час канікулаў гледачы не забыліся пра тэатр, за актыўны ўдзел у конкурсах яны атрымлівалі запрашальныя білеты на адкрыццё новага сезона.
Два тыдні малыя гарадзенцы займаліся творчасцю пад кіраўніцтвам выкладчыкаў з Літвы. Таму 23 ліпеня для іх дата вельмі важная. У гэты дзень адкрыецца выстава прац, створаных пад час летняй школы.
Гарадзенскі фатограф Іван Цыркуновіч, які прафесійна займаецца стварэннем 360-градусных панарам ды з’яўляецца сертыфікаваным панарамным фатографам Google Street View, стварыў панараму прыватнага музея Януша Паруліса. Цяпер кожны можа знайсці яе на Google Maps або паглядзець ніжэй. А потым зайсці ў музей у рэальным жыцці, каб яго падтрымаць.
