Хакейны “Нёман” 1 ліпеня выйшаў з адпачынку. Да новага сезону пачалі падрыхтоўку без малога тры дзесяткі хакеістаў. Заняткамі на зямлі кіруе новы трэнерскі штаб, які ўзначальвае Сяргей Пушкоў.
Гарадзенец Іван Ціхан заваяваў срэбра на чэмпіянаце Еўропы ў Амстэрдаме, паведаміла Еўрарадыё. Кідальнік молата, якому 24 ліпеня споўніцца 40 гадоў, паказаў вынік 78 метраў 84 сантыметра. Золата дасталося паляку Паўлу Файдэку — 80 метраў 46 сантыметраў, бронза — яшчэ аднаму прадстаўніку Польшчы Войцеху Навіцкаму — 77,53 м.
Марафон сяброўства “Друскенікі-Гродна 2016”, які ў чарговы раз сабраў больш за сто аматараў бегу з розных краін Еўропы, прайшоў 10 ліпеня. Упершыню прыехалі і чатыры прадстаўнікі Англіі. Адзін з іх здолеў стаць першым у сваёй катэгорыі.
Футбалісты гарадзенскага “Нёмана” паспяхова стартавалі ў Кубку Беларусі. На стадыі 1/16 розыгрышу, у Стоўбцах 7 ліпеня жоўта-зялёныя разграмілі з лікам 5:0 мясцовы “Нёман-Агра”.
Не паказаўшы годнай гульні, форвард Раман Васілюк пакінуў “Нёман”. Афіцыйны сайт гарадзенскага клуба паведамляе, што зрабіў ён гэта па сямейных абставінах.
Да новага хакейнага сезону застаецца менш за два месяцы. Рыхтуюцца да будучых баталій не толькі спартсмены, але і група падтрымкі. Каб новы сезон прайшоў яшчэ лепш за мінулы, танцуючыя дзяўчаты абвясцілі аб наборы ў свае шэрагі.
У інтэрнэце з’явілася афіцыйная відэасправаздача чэмпіянату Беларусі па лёгкай атлетыцы, які праходзіў у Гродне з 23 па 25 чэрвеня 2016 года. Тады каманда Гродзенскай вобласці завяршыла чэмпіянат у рангу срэбных прызёраў.
Фан-клуб ХК “Нёман” сумесна з хакеістамі і трэнерам гарадзенскай каманды не змаглі застацца абыякавымі да праблем наваполацкага клуба, які перад новым сезонам сутыкнуўся з сур’ёзнымі фінансавымі цяжкасцямі і знаходзіцца на мяжы банкруцтва.
У апошнім туры першага круга каманда Ігара Кавалевіча не здолела абыграць свайго суседа па турнірнай табліцы ФК “Нафтан” і прайграла з лікам 2:0. Такім чынам, пасля першага круга гарадзенцы так і засталіся замыкаць турнірную табліцу.
Новая шматфункцыянальная спартыўная пляцоўка са штучным пакрыццём, якую адкрылі 1 ліпеня, размясцілася на базе Гарадзенскага цэнтра алімпійскага рэзерву па хакеі з шайбай.
