Як паведамілі “Твайму стылю” ў аддзеле транспарту гродзенскага гарвыканкама, рух ад вуліцы Карбышава да чыгуначнага вакзала перакрываецца з 8 гадзін раніцы 14 ліпеня да 24 гадзін 23 ліпеня па просьбе раённых цепласетак.
Аднаматорны двухмясцовы самалёт “БекасХ-32” авіяцыйнага атраду “Пружаны Авіяхімсэрвіс” 9 ліпеня ўдзельнічаў у пошуку жанчыны, якая згубілася ў лесе каля вёскі Мінеўшчына.
Міжнародны фестываль сярэднявечнай культуры “Мірскі замак” распачаўся ўчора, але і той, хто трапіць у Мір сёння-заўтра, паспее пабачыць шмат цікавага.
Паводле Гродзенскага занальнага цэнтра гігіены і эпідэміялогіі, за першае паўгоддзе 2011 года па медыцынскую дапамогу звярнуліся 1179 чалавек, з іх 390 – дзеці да 17 гадоў, якія знайшлі ў сябе на целе іксодавых кляшчоў.
Наваградскае прадпрыемства “БелКрэда”, якое спецыялізуецца на пашыве мужскога аддзення, рыхтуе да новага навучальнага года чатыры з паловай тысячы школьных пінжакоў з спецыяльнымі кішэнямі для мабільных тэлефонаў.
Практыка выдачы бясплатных візаў для аматараў музыкі Маладой Беларусі ў мінулыя гады сябе не апраўдала: частка людзей карысталася магчымасцю і замест “Басовішча” ехала “на закупы”, нехта, наадварот, атрымаўшы візу ў падарунак, так і не выбраўся за мяжу.
13 абітурыентаў Гродзенскай вобласці атрымалі на тэсціраванні максімальную колькасць балаў.
Журналісту прысудзілі 3 гады пазбаўлення волі з адтэрміноўкай і вызвалілі ў зале суда.
Калі Пачобут выйшаў на ганак суда Ленінскага раёна, дзе адбываўся працэс, прысутныя заспявалі “Сто лят”.
Гродзенская моладзь сумесна з Студэнцкім этнаграфічным таварыствам (Мінск) з 8 па 17 ліпеня ладзіць этнаграфічную экспедыцыю па Наваградчыне.
8 ліпеня ў рэстаране “Гродна” ДАІ ладзіць чарговую прафілактычную акцыю “Узгадай пра будучыню – 2”.
