Мужчына вельмі падобны да ўпраўляючага справамі Гродзенскага аблвыканкама Ігара Папова насалоджваецца песняй “Вавилон” гурта “Кипелов” на канцэрце ў клубе “ТаймАўт”. Такое відэа даслаў у рэдакцыю “Твайго стылю” наш чытач.
Гарадзенская эка-актывістка Юлія Каляда ў праграме “54%” на тэлеканале “Белсат” расказвае пра тое, як садзіла кветнік пад пад’ездам у самым цэнтры горада і што ў выніку з гэтага выйшла.
Цягам двух тыдняў гарадзенцы абіралі лепшы праект. Цяпер яго аўтар актыўна займаецца дапрацоўкай ідэі і спадзяецца, што рэалізаваць задумку атрымаецца да наступнага фестывалю нацыянальных культур.
У пачатку лістапада пачнуцца працы па ўзвядзенні крытага футбольнага манежа і рэканструкцыі стадыёна “Абутнік”. Два аб’екты будуць звязаныя паміж сабой, здаць іх плануецца ў адзін тэрмін. Пра гэта “Твайму стылю” распавёў старшыня Гродзенскага гарвыканкама Мечыслаў Гой.
Каля месяца таму ва ўрочышчы Пышкі, каля крытага хакейнага манежа, з’явіліся першыя ў горадзе вулічныя трэнажоры.
У вёсцы Каменка Гродзенскага раёна касуля правалілася ў вадаправодны калодзеж. Жывёлу 26 кастрычніка заўважыў дачнік, што праходзіў міма, ён і выклікаў выратавальнікаў.
З дапамогай кантрольнай закупкі падатковая інспекцыя па Ленінскім раёне Гродна высветліла, што мясцовы прадпрымальнік захоўваў і здаваў у арэнду карты, шлемы і пальчаткі без дакументаў, якія б пацвярджалі іх пакупку, паведамілі ў прэс-цэнтры інспекцыі МПЗ па Гродзенскай вобласці.
Па стане на 1 кастрычніка 2015 ў Гродзенскай вобласці жыве 1 51,2 тыс. чалавек. За дзевяць месяцаў гэтага году колькасць насельніцтва скарацілася на 1 409 чалавек, паведаміла Галоўнае статыстычнае ўпраўленне Гродзенскай вобласці.
У дзень нараджэння фірмовай шкляной бутэлькi “Кока-Кола” ладзiць бясплатную раздачу газаванага напою па ўсім свеце. Акцыя дайшла і да Гродна, дзе на працягу пяцi дзён у гандлёвым цэнтры Old City будудуць бясплатна частаваць газіроўкай.
Самы новы мікрараён Гродна, пабудаваны сярод палёў, нагадвае асобны востраў, які злучаецца з “мацерыком-горадам” новымі пакуль яшчэ добрымі дарогамі ды некалькімі аўтобуснымі маршрутамі.
