Новую святочную падсветку ў выглядзе дзевяці арак ужо пачалі ўсталёўваць уздоўж вуліцы Савецкай у Гродне. Яны заззяюць ужо 18 снежня. Праўда, напярэдадні святаў дызайнера, які працаваў у Гарсвеце дзевяць гадоў і прапанаваў такі варыянт упрыгожання, звольнілі за тое, што ён загадзя падзяліўся з гарадзенцамі навагоднім сюрпрызам.
На вуліцы можа быць па-зімоваму холадна ці не па-зімоваму бясснежна, але традыцыйныя гарачыя напоі дапамогуць дамаляваць у свядомасці карцінку ідэальнай зімы. Зімовыя смакі мы шукалі ў гарадзенскіх кавярнях. Умова была адна – адсутнасць алкаголю ў складзе.
На працягу тыдня чакаюцца ападкі, у асноўным – мокры снег. Тэмпература паветра будзе вагацца ад -3° напачатку тыдня да +7° напрыканцы.
З першым снегам на Гарадзеншчыне пачаліся праблемы на дарогах. Многія вадзіцелі, якія рухаліся па трасе М6, вымушаныя былі спыняцца на запраўках і чакаць, пакуль снегапад скончыцца. А хтосьцi нават спрабаваў дрыфтаваць на снезе.
Праваабаронцы з “Салідарнасці” прэзентавалі фільмы пра дыскрымінацыю ў Беларусі. Самая распаўсюджаная яе форма – неабгрунтаваныя звальненні з працы. У канцы сустрэчы голас узялі еўраскептыкі.
Біскуп Аляксандр Кашкевіч 13 снежня адчыніў сімвалічную браму, праходзячы праз якую, як вераць католікі, можна атрымаць дараванне пакаранняў за грахі. Такую браму традыцыйна адкрываюць у Рыме кожныя 25 гадоў, але сёлета Папа Рымскі вырашыў абвесціць пазачарговы Юбілейны Год.
Гурт Irdorath, які паўстаў у 2010 годзе на гарадзенскіх вуліцах, ды здабыў вялікую папулярнасць пасля пераезду ў Мінск, чарговы раз нагадаў пра сябе, дзякуючы каверу на песню Voodoo People гурта Prodigy.
Славутая гарадзенская Каложа была грамадскім будынкам, свае абрады тут маглі адпраўляць і хрысціяне і паганцы, а карэнні “гарадзенскай архітэктурнай школы” трэба шукаць у таямнічым Рускім каганаце. Такога меркавання прытрымліваецца вядомая гарадзенская мастацтвазнаўца Любоў Зорына.
Дабрачынная акцыя “Навагодні цуд” у падтрымку дзяцей-сірот, дзяцей-інвалідаў і дзяцей, якія апынуліся ў цяжкай жыццёвай сітуацыі, пройдзе сёлета ў пяты раз. У гэтым годзе, у параўнанні з папярэднімі, жаданні дзяцей істотна змяніліся.
На гэтым тыдні ў нашай падборцы з’явіліся першыя святочныя елкі, пры гэтым з вельмі розных матэрыялаў. Хочаце, каб і вашыя фота патрапілі ў рубрыку? Пазначай іх хэштэгам #hrodnats! А таксама не забудзьце падпісацца на наш акаўнт у Instagram.
