Польскіх электрычак, якія курсуюць паміж Гродна і Элкам ды Малкіняй, а ў 2016 годзе маюць ездзіць да Варшавы, можа не быць у новым раскладзе польскай чыгункі, які будзе дзейнічаць з 13 снежня. Кампанія Przewozy Regionalne тлумачыць, што ўсё яшчэ чакае на адказ Міністэрства інфраструктуры наконт фінансавання.
Гэта першая грунтоўная праца па этнаастраноміі на ўсёй постсавецкай прасторы. Аўтар кнігі – супрацоўнік Акадэміі навук Цімафей Авілін. 28 лістапада Цімафей прадставіў сваю кнігу гарадзенцам.
З 1 снежня каб атрымаць шэнгенскую візу ў консульстве Польшчы ў Гродне трэба будзе прынесці даведку з працы або іншым чынам даказаць, што грошы на падарожжа за мяжу ёсць. Такі дакумент ужо даўно патрабуюць у консульствах у Брэсце і Мінску.
Пастаноўка рэжысёра Мікалая Андрэева, прэм’ера каторай адбылася ў 1990 годзе, мае шчаслівы лёс – ёй спадарожнічае нязменны поспех на роднай сцэне і фестывальныя ўзнагароды. За час сцэнічнага жыцця спектакль стаў візітоўкай не толькі тэатра, але і горада. Напярэдадні 25-гадовага юбілея спектакля “Твой стыль” склаў невялікую рэтраспектыву гарадзенскіх “Тутэйшых”.
Мінулагодняя гісторыя з вучнямі адной з гродзенскіх школ, якія панапіваліся падчас экскурсіі ў Польшчу так, што прыйшлося выклікаць хуткую дапамогу, спарадзіла ў дзяржаўных органаў роздум, якую наогул карысць маюць выязныя экскурсіі для школьнікаў у замежжа і па нашай сінявокай. І вось Міністэрства адукацыі апублікавала спіс рэкамендаваных экскурсій па Беларусі, якія павінны развіваць эстэтычныя адчуванні і патрыятызм беларускіх школьнікаў.
Дыплом і чэк мастак атрымаў 27 лістапада на адкрыцці выставы “Мастакі Парыжскай школы – ураджэнцы Гродзеншчыны”, якую таксама арганізаваў Белгазпрамбанк.
Хаця мясцовыя ўлады здаўна шукаюць спосабы прыцягнуць у Гродна турыстаў, патоку замежнікаў усё яшчэ няма. Студэнт Аляксандр Перагудаў прапанаваў рашэнне, якое павінна прыцягнуць гасцей з бліжэйшых краін.
У Друскеніках 25 лістапада з Нёмана вылавілі плот зроблены з 4800 пачак цыгарэт “Фэст”. Яго запусцілі з беларускага боку, а каб не згубіўся – прымацавалі да яго тры GPS-прылады. У ходзе аперацыі паблізу затрымалі 33-гадовага жыхара Вільнюса, які, як мяркуецца, меў вылавіць цыгарэты.
На канцэрце Грыгорыя Лепса ў Лядовым палацы ў Гродне васьмігадовы хлопчык засунуў палец у адтуліну ў пластыкавым крэсле. Выцягнуць яго назад ён ужо не змог, таму бацьку давялося выклікаць МНС.
Вядомы беларускі абаронца Максім Вітус вярнуўся ў Гродна, дзе адыграў тры сезоны ў складзе “Нёмана”. У панядзелак, 30 лістапада, яго цяперашняя каманда – мінскае “Дынама” – абгуляла гарадзенцаў і выбіла іх з Кубка Беларусі.
