Забойцы, прастытуткі, чыноўнікі-хабарнікі, рабаўнікі і мясцовыя аўтарытэты – год 150 таму на вуліцах горада можна было сустрэць нямала бандытаў. Пра крымінальнае жыццё Гродна ў ХІХ стагоддзі расказаў на сустрэчы ў галерэі “Крыга” гісторык Алесь Радзюк (на фота).
Выстава “Літоўскі кінаплакат” з фондаў Музея тэатра, музыкі і кіно ў Вільні пройдзе ў кінатэатры “Чырвоная зорка” з 17 да 22 лістапада. Таксама там можна будзе пабачыць сучаснае літоўскае кіно пра пасляваенныя гады і рэпрэсіі.
Да канца года ў Гродне з’явіцца першая платная паркоўка, якую можна будзе аплачваць нават з дапамогай інтэрнэту. Стаянка на прыблізна 70 машына-месцаў, будзе мець тры прапускных тэрміналы.
З-за моцнага ветру Гроднааблгідрамет абвясціў аранжавы ўзровень небяспекі.
Гарадзенская будаўнічая фірма “Изолтрейд” выкупіла два пустыя будынкі па вуліцы Працоўнай. Паводле планаў інвестара ўжо ў траўні 2016 года адзіны аб’ект, які спалучыць дамы 10 і 12, здадуць у эксплуатацыю як адміністрацыйны будынак з рэстаранам на першым паверсе.
Аляксандр Рыбак з гуртом Milki ўпершыню прыехаў у Гродна з канцэртам і сабраў поўную залу. Ён выканаў песні з розных альбомаў, на розных мовах і ў розных стылях.
Міністр замежных спраў Літвы запрасіў беларускіх экспертаў прыехаць у Літву і абмеркаваць прэтэнзіі міжнародных арганізацый, звязаныя з будаўніцтвам Беларускай АЭС у Астраўцы. Акрамя таго, Лінас Лінкявічус кажа, што Літва хацела б атрымаць больш інфармацыі з Беларусі пра атамную станцыю, якая будуецца побач з мяжой.
У будучыні Літва не плануе купляць электраэнергію з Астравецкай АЭС, якая будуецца ў Беларусі, заявіў літоўскі прэм’ер-міністр Альгірдас Буткявічус. Як сцвярджае прэм’ер, Літва не мае намеру адаптаваць свае электрасеткі для таго, каб набываць электраэнергію з гэтай станцыі.
Сціплыя сведкі вялікай Літвы альбо Смаргонскія рарытэты – так назвала свае нататкі аўтарка чарговага матэрыялу нашага праекту. Пачытайце і заплануйце сваё падарожжа на Смаргоншчыну – не пашкадуеце!
Пасля міжнароднай паўзы аднавіўся чэмпіянат Беларусі па хакеі. У доўгачаканым матчы, які праходзіў у Гомелі, гарадзенская каманда атрымала мінімальную перамогу над мясцовай камандай. Тры ачкі заробленыя на выездзе дазволілі “Нёману” выйсці на чыстае трэцяе месца ў турнірнай табліцы.
