Пра Гродна найчасцей кажуць стандартную фразу: “Вельмі прыгожы горад”. Турысты ходзяць прагугленымі маршрутамі і распрацаванымі экскурсіямі, гарадзенцы – па сваіх справах. А што бачыць чалавек, для якога візуальная культура – прафесія? Міхал Анемпадыстаў – дызайнер, паэт, публіцыст, выкладчык – падзяліўся бачаннем горада і яго магчымасцяў.
Гарадзенскі калекцыянер Януш Парулiс прапануе вярнуцца ў яго дзяцінства і паглядзець, чым Каляды і Новы год некалькі дзесяцігоддзяў таму адрозніваліся ад сённяшнiх. А таксама паглядзець, чым упрыгожвалі галоўны элемент традыцыі снежаньскіх святаў – елку.
Больш за тыдзень таму ў Беларусі скончыўся футбольны сезон. Парадаваць гарадзенскіх балельшчыкаў ён не змог. “Нёман” у чэмпіянаце стаў восьмым, а з Кубка Беларусі каманда Сяргея Саладоўнікава вылецела. Канец сезону – час падводзіць вынікі. “Твой стыль” прапануе выбраць лепшага гульца “Нёмана” ў сезоне 2015 года.
У нядзелю, 13 снежня, у Польшчы пачынае дзейнічаць новы расклад чыгункі. У ім будзе ўпісаны даўно запланаваны цягнік Гродна-Варшава, але без канкрэтнай даты пачатку руху.
Аўтары праекта – фатограф Ян Хведчын і стыліска Вольга Ко. У сімвалы на знаках увасобіліся прафесійныя танцоры.
Гісторыкі Андрэй Вашкевіч і Яўген Махнач працуюць над стварэннем анлайн-карты гродзенскага гета. Вынікі іх немалой працы можна цяпер пабачыць на “Тваім стылі”.
Тысячы беларусаў глядзелі разам і паасобку ўвечары 7 снежня публічную лекцыю Святланы Алексіевіч у Стакгольме. 10 снежня ў сталіцы Швецыі ёй будзе ўручаная Нобелеўская прэмія ў галіне літаратуры.
Адразу тры мерапрыемтвы з экалігічнай тэматыкай прайшлі ў прыхадскім доме Каложскай царквы 6 снежня. Вернікі абмеркавалі з экспертамі пытанні экалагічнай падрыхтоўкі да Калядаў, дапамаглі дзецям расфарбаваць эка-торбы і усе разам адкрылі жывы куток. Мерапрыемствы праходзілі ў межах беларуска-нямецкага супрацоўніцтва пры падтрымцы Евангелістскай царквы Германіі ў межах акцыі “Надзея для Усходняй Еўропы”.
Пра забойства 33-гадовага гродзенца Дзяніса Васільева паведамілі курды на сайце Kurdish daily news, апублікаваўшы фатаграфіі яго дакументаў і банкаўскіх картак. Увагу прыцягнула напісанне імя і прозвішча лацінкай з беларускай мовы. Хоць самі дакументы аўстрыйскія. На адной з картак значыцца права на пражыванне і працу ў горадзе Брэгенц, на іншых дакументах бачная дата і месца нараджэння – 9 жніўня 1982, Беларусь, Гродна.
Усё больш людзей стараюцца весці здаровы лад жыцця. Шмат увагі аматары ЗЛЖ надаюць харчаванню. Гарадскія кавярні прапануюць небагаты выбар страваў, якія можна аднесці да здаровага харчавання. Дзе абедаюць гарадзенцы, якія дбаюць пра якасную ежу, даведаўся Зялёны партал Гродзеншчыны.
