У Гродне прайшоў традыцыйны штогадовы дабрачынны матч. У адрозненні ад папярэдніх гульняў, у гэтым годзе заўзятарам не трэба было несці цацкі, уваход на мерапрыемства быў вольным. Жадаючыя маглі толькі пакінуць ахвяраванне для дзяцей з гарадзенскага хоспіса. Уласна дзеля іх і праводзіўся матч.
Жыхар Гродна прыехаў лавіць рыбу на возера ля вёскі Новая Гожа. Ён забыў паставіць аўто на ручны тормаз і яно скацілася ў ваду.
Частая праблема для гарадзенцаў – кепскія дарогі да лецішчаў. У рэдакцыю “Твайго стылю” звярнуліся пенсіянеры, абураныя падобнай праблемай у садовым таварыстве “Вадаканал”, што знаходзіцца за вёскай Каробчыцы.
Каля 7.30 27 снежня на праспекце Кляцкова ў Гродне BMW збіў жанчыну. Па папярэдняй версіі, яна пераходзіла дарогу на чырвонае святло. ДАІ просіць гарадзенцаў дапамагчы высветліць асобу загінуўшай.
У гарадзенскім заапарку зладзілі навагодняе свята з удзелам сімвалаў года, што сыходзіць і таго, што настае. 27 снежня дзеці і бацькі весела пабавілі час з аніматарамі-снегавікамі, выкрывалі хітрыкі бабы-Ягі і сустракаліся з жывёламі: кармілі на развітанне козачку і частавалі адмысловым “торцікам” малпаў.
28 снежня ў Гродне захаваецца цёплае надвор’е – чакаецца плюсавая тэмпература. Але ўжо з 29 снежня тэмпература пойдзе на зніжэнне, і Новы год абяцае быць марозным.
Вулічныя музыкі, што выходзяць на Савецкую як на працу, імкнуцца граць пры любым надвор’і. Нават з надыходам марозу сыходзіць у цёплыя месцы яны не збіраюцца.
Каманда Гродзенскай вобласці не здолела супрацьстаяць дружыне прэзідэнта Беларусі ў матчы IX Рэспубліканскіх спаборніцтваў па хакеі з шайбай сярод аматарскіх каманд. У выніку гарадзенцы ва ўпартай барацьбе саступілі лідару турніра з лікам 2:0.
Аматары зімовых відаў спорту ўжо не спадзяюцца на звычайнае зімовае надвор’е са снегам і прыстасоўваюцца да новых умоваў. Каб не збіваць рэжым трэніровак, спартсмены вымушаны выкарыстоўваць замест лыж новы для Гродна і незвычайны інвентар.
Жыццё Беларусі на цывілізацыйным разломе паміж Усходам і Захадам, развіццё асобы і магчымасць сумеснай творчасці як спосабу развіцця грамадства – гэта ідэі, актуальныя не толькі тут і цяпер. Амаль сто гадоў таму гэтыя пытанні турбавалі беларускага філосафа Ігната Абдзіраловіча. Яго знакамітае эсэ “Адвечным шляхам” аналізаваў 17 снежня ў час лекцыі ў галерэі “Крыга” філосаф Павел Баркоўскі.
