Трохтыднёвая экспедыцыя суднаходнага праекта “Спадарожны вецер” пачнецца 14 ліпеня ў Гродне. Рэканструктары эпохі вікінгаў разам з адважнымі добраахвотнікамі плануюць праплысці па Нёмане да Балтыкі на фестываль “Свята мора” у Клайпедзе. Праўда, сярод гарадзенцаў не знайшлося жадаючых адправіцца ў падарожжа.
У ДАІ афіцыйна пракаментавалі інцыдэнт звязаны з рэзананснай пагоняй, якая адбылася ўвечары 4 ліпеня на праспекце Янкі Купалы. Серабрысты Mercedes, які пераследавалі патрульныя машыны, быў знойдзены ў гаражы. Па факту сутыкнення праводзіцца службовая праверка.
На арт-пляцоўцы гандлёвага цэнтра “АВС” гарадзенскі калекцыянер Алег Ёрш адкрыў выставу смеццевага мастацтва. Пабачыць яе можна будзе цягам месяца.
Працу над стварэннем незвычайнага роліка мастак Эміль Зянько пачаў у лютым. Тады ён займаўся эскізамі. У чэрвені хлопец пачаў здымкі, а праз месяц выпусціў відэа, якое імкліва стала набіраць папулярнасць.
Напярэдадні Дня Незалежнасці, 1 ліпеня, чыноўнікі ды прадстаўнікі сілавых структур і арганізацый горада ўрачыста ўсклалі кветкі да помніка воінам-вызваліцелям і партызанам у парку Жылібера. Ужо праз чатыры дні частку кветак прыбралі на суседні сметнік.
ДТЗ паміж аўтамабілямі ДАІ адбылося каля 21.00 на праспекце Янкі Купалы ў Гродне. Патрульныя машыны сутыкнуліся у той момант, калі здзяйснялі пагоню за парушальнікам.
Тэматычнай выставай гарадзенская Дзяржаўтаінспекцыя адзначыла свой юбілейны дзень нараджэння – ДАІ Беларусі сёлета спаўняецца 80 гадоў. У парку Жылібера 3 ліпеня былі выстаўленыя службовыя аўтамабілі, матацыклы, а таксама спецсродкі, якія выкарыстоўваюць супрацоўнікі дарожна-патрульнай службы.
Першая афрыканская вечарына ў Гродне сабрала мноства наведнікаў. Клуб “Афрыка” у ноч з 2 па 3 ліпеня даў магчымасць замежным студэнтам горада адзначыць завяршэнне навучальнага года і проста сабрацца разам.
Фатогаф “Твайго стылю” прайшоўся па горадзе 3 ліпеня і паглядзеў, як цяжкая тэхніка праехалася ля Кургану Славы, як моклі пустыя крэслы ў “кавярні на 1000 месцаў” ды якія экспанаты паказала ў парку гарадзенская ДАІ.
Праграму Дня Незалежнасці 3 ліпеня ў Гродне значна скараціў дождж. Ужо на пачатку сёмай гадзіны скончыўся канцэрт на плошчы Леніна, апусцеў парк Жылібера, пачала згортвацца “кавярня на тысячу месцаў”. Рэдкіх мінакоў дождж прыспешваў пакінуць вуліцу і вярнуцца пад дахі.
