Другі Міжнародны фестываль арганнай і камернай музыкі, які адбываўся 13-27 ліпеня ў Лютэранскай кірсе ў Гродне, прайшоў на вышэйшым узроўні. Канцэрты вядомых выканаўцаў за два тыдні наведала больш за тысячу чалавек.
Італьянец Кармела Дэссі ўжо два гады гатуе піцу ў гарадзенскай піцэрыі “Basta Pasta”. У меню ўстановы можна знайсці каля паўсотні відаў гэтай стравы. Калі ж не знойдзецца жаданага спалучэння складнікаў, можна самому скампанаваць начынку. Прыхільнікі традыцыйнай італьянскай стравы ведаюць – хаця піцаёла размаўляе амаль выключна па-італьянску, ён зразумее тонкую душу беларускага гурмана. Каб даведацца пра італьянскія сакрэты піцы ў Гродне мы завіталі да Кармела пад час працы.
Агароджа даху ўпала і разбурыла балкон у жылым доме па вуліцы Пралетарскай. Здарэнне адбылося ў абед 27 ліпеня. У час абвалу ў кватэры знаходзілася жанчына – яна не пацярпела, але моцна перапалохалася.
Невыносная спякота вярнулася ў Гродна. Некаторыя дзеці, не вытрымаўшы пякучага сонца, астуджаюцца ў гарадскіх фантанах.
Грамадскае аб’яднанне веласіпедыстаў “ВелоГродно” накіравала ў ДАІ ліст, у якім выклала сваю пазіцыю ў дачыненні да прапанаванай забароны руху веласіпедыстаў па адным з бакоў Старога моста.
Каманда дыякана Пакроўскага собора Дзмітрыя Паўлюкевіча 26 лiпеня даведалася, што стала фіналастам відэа-конкурса па чытанні беларускай паэзіі. Неўзабаве святары атрымаюць узнагароды.
У Гродне 26 ліпеня з візітам прыехала дырэктар адной са школ горада Сакрамэнта Ларыса Ганчар. Амерыканка беларускага паходжання ў першы дзень камандзіроўкі сустрэлася са старшынёй Гродзенскага гарвыканкама Мечыславам Гоем і абмеркавала з мясцовымі настаўнікамі супрацоўніцтва ў сферы адукацыі.
У сваё прафесійнае свята, 25 ліпеня, гарадзенскія выратавальнікі зладзілі цэлы шэраг мерапрыемстваў у цэнтры горада. Спачатку 21 баец МНС прыняў прысягу вернасці радзіме, прафесіі і людзям. Іх у жаданні служыць падтрымалі не толькі калегі, але і прадстаўнікі аблвыканкама, выратавальнікі з Польшчы і Літвы, ветэраны ды святары.
Маладая жанчына за стырном аўто на мінскіх нумарах не справілася з кіраваннем і збіла ліхтар. Гэта адбылося каля 12 гадзін 26 ліпеня на вуліцы Ажэшкі, побач з аблвыканкамам. Мiнчанка патлумачыла, што ліхтар выпадкова “выбег” да яе насустрач.
Невядомы жартаўнік 24 ліпеня вырашыў пацешыць гараджан і ад душы дадаў мыйнага сродку ў фантан у парку Жылібера, дзякуючы чаму той стаў падобны да вялікай пеннай ванны. На наступную раніцу, у панядзелак, супрацоўнікам “Гарсвятла” спатрэбілася больш за дзве гадзіны, каб прачысціць фантан ад пены.
