З надыходам доўгачаканага цёплага надвор’я гарадзенцы пачынаюць распранацца. Але робяць гэта з асцярогай, бо сіноптыкі абяцаюць цягам усяго месяца кароткачасовыя дажджы, а месцамі навальніцы.
Гродзенскі стадыён “Нёман” даўно не збіраў такога мноства гледачоў. 4 мая тут прайшлі заключныя мерапрыемствы маштабнага грамадска-патрыятычнага марафону “Разам – за моцную і квітнеючую Беларусь”.
Да XI Рэспубліканскага фестывалю нацыянальных культур у Гродне можа з’явіцца яшчэ адна брэндавая каменная скульптура. Яе стварае Уладзімір Панцялееў на пляцоўцы ТАА “Будоўля” ў вёсцы Пушкары. Гэта будзе копія вядомага артэфакту, які захоўваецца ў Гродзенскім гісторыка-археалагічным музеі. Усталююць ладдзю на правым беразе Нёмана, у раёне Старога моста, піша grodnonews.by.
Дзмітрый прыехаў у Гродна да сябра Алега. Той паказаў госцю Курган Славы. Дзмітрый настолькі здзівіўся таму, што пабачыў, што адразу напісаў у рэдакцыю “Твайго стылю”. Яго ўразілі супрацоўніцы Зелянбуда, якія з дапамогай вяроўкі цягнуць на вяршыню дзёрн.
У двары Новага замка 3 мая прайшло штогадовае мерапрыемства “Чытаем разам”. Ветэраны Вялікай Айчыннай вайны разам са студэнтамi, школьнiкамi, чыноўнiкамi i прадстаўнiкамi бiзнесу чыталi творы беларускiх пiсьменнiкаў на тэму вайны.
У Гродне злодзеі зялёных насаджэнняў да таго знахабіліся, што скралі дэкаратыўныя хмызнякі наўпрост з-пад вокнаў абласнога ўпраўлення ўнутраных спраў. Крадзеж здзейснілі неўзабаве пасля суботніка, на якім расліны пасадзілі. Пра гэта “Твайму стылю” расказалі супрацоўнікі Зелянбуда.
Васіль Быкаў правёў у Гродне 24 гады. Жывучы ў нашым горадзе, ён працаваў у газеце «Гродзенская праўда», стварыў шэраг значных для нашай культуры твораў: «Жураўліны крык», «Трэцяя ракета», «Альпійская балада», «Сотнікаў» і іншыя. Але не толькі плён літаратурнай працы ён пакінуў у спадчыну гродзенцам, піша Гродзенскі зялёны партал.
У Дзень працы ў парку Жылібера традыцыйна пачалі працаваць атракцыёны, а ва ўсім горадзе ўключылі фантаны.
Фестываль славянскіх баявых мастацтваў, на якім мераліся сілай больш за дзясятак клубаў, прайшоў 1 мая ля Кургана Славы ў Гродне. Падзея не сабрала вялікай колькасці гледачоў, як гэтага чакалі арганізатары. Гарадзенцы ў Вялікдзень аддалі перавагу сямейнаму хатняму адпачынку, ды і надвор’е не спрыяла імпрэзе.
Сняданак – самая важная ежа цягам дня, пра што мы вельмі часта забываем. Калі няма ахвоты гатаваць у хаце, адключылі газ, або вы турыст ці проста хочацца пачаць дзень сярод людзей і са смачнай кавы, то можна пачаць дзень у горадзе. “Твой стыль” праверыў, дзе ў Гродне можна паесці раніцай.
