У Гродне да 2017 года больш за 2 тыс. смеццеправодаў у амаль 700 шматкватэрных дамах будуць закрытыя, паведаміў Белта генеральны дырэктар Гродзенскай гарадской ЖКГ Алег Дабравольскі. У 2015 годзе было закрыта каля 100 смеццеправодаў. Бытавыя адходы гараджанам прапануюць выносіць на спецыяльныя кантэйнерныя пляцоўкі.
Паездка ў Маскву для 25-гадовага Паўла павінна была стаць ажыццяўленнем запаветнай мары. Менавіта там гарадзенец спадзяваўся сустрэцца са сваім кумірам. Але, прыехаўшы ў офіс зоркі, Павел быў вымушаны падарыць шампанскае не Цімаці, а яго ахове.
У канцы красавіка “Гроднааблкінавідэапракат” плануе адкрыць у горадзе чатыры пункты велапраката. Тры з іх з’явяцца каля кінатэатраў “Усход”, “Космас” і “Кастрычнік”, чацвёрты, з-за недахопу месца каля “Чырвонай зоркі”, размесціцца каля Моладзевага цэнтра “Гродна”.
Гарадзенец Іван Петушок, заснавальнік тайм-кафэ “Партал”, патрапіў у фінал конкурса “Горад”, удзельнікі якога намагаюцца палепшыць свае гарады. На мінулым тыдні Іван удзельнічаў у трэнінгу ў Мінску, а зараз будзе рэалізоўваць хатняе заданне, у якім жыхары Гродна могуць яму дапамагчы.
Кажуць, што сучасныя дзеці аддаюць перавагу камп’ютарным гульням і смартфонам, а не спорту на свежым паветры. Але ж часта пры ўсім жаданні ім няма дзе пагуляць у сваім жа двары, лічыць жыхарка Гродна Вольга. Яна ўзняла праблему дваровага спорту ў сваім раёне на вуліцы Белыя Росы. Яе ідэя аднаўлення баскетбольнай пляцоўкі прайшла нават адбор у конкурсе “Горад”.
Калі большасць гарадзенцаў толькі збіраецца на працу, “чысцільшчыкі” з гружанымi вазкамі поўнымі металу або кардону накіроўваюцца з ускраін у цэнтр, каб заняць чаргу ў пункце прыёму другаснай сыравіны.
Работы гарадзенскіх майстроў кавальскай справы можна пабачыць у Цэнтры рамёстваў “Спадчына”, дзе 12 красавіка адкрылася выстава вырабаў з металу “Пяць малаткоў”.
У гродзенскім абласным судзе працягваецца разгляд нашумелай крымінальнай справы. Абвінавачваецца 17-гадовы падлетак. Ён, па версіі следства, задушыў свайго 5-гадовага брата Мацвея, спрабаваў забіць маці малатком, а сыходзячы, каб схаваць сляды злачынстваў, падпаліў кватэру.
З 12 красавіка ў Новым замку працуе інтэрактыўная выстава ілюзіённага мастацтва “Анатомія цуду”. На ёй можна пабачыць прыстасаванні, якія выкарыстоўвалі фокуснікі розных часоў з усяго свету.
На адзін са старых дамоў у цэнтры Гродна знайшоўся інвестар. Дом №13 па вуліцы Малой Траецкай, 1875 года пабудовы, ужо даследуюць і рыхтуюць да рамонту.
