У пяць гадзін раніцы 22 чэрвеня будаўнікі ўзяліся за аднаўленне шпіля на гарадзенскай кірсе. Рабочым спатрэбілася больш за тры гадзіны, каб выправіць яго і выраўняць галоўны крыж лютэранскага храма.
Першых буслянат, што нарадзіліся ў Гарадзенскім заапарку ад пары пацярпелых буслоў, акальцавалі 21 чэрвеня. Разам са звычайнымі металічнымі кольцамі птушак пазначылі сучаснымі пластыкавымі. Гэта дапаможа лягчэй адсочваць шляхі іх міграцыі. Арнітолаг Дзмітрый Вінчэўскі, акальцавашы буслянят, назваўся іх “хросным” і перадаў малых пад крылы бацькоў.
Роўна ў 4 гадзіны гарадзенцы разам з прадстаўнікамі ўкраінскага горада Нікапаля сабраліся на правым беразе ракі Нёман. Тут праходзіла штогадовая гарадская патрыятычная акцыя “Ніхто не забыты, нішто не забыта”, прысвечаная ушанаванню памяці людзей, што загінулі у першыя дні вайны Айчыннай вайны. На плынь Нёмана пусцілі 22 вянкі, што сімвалізавалі дату 22 чэрвеня 1941 года.
Персанальная выстава ізраільскага фотамастака Барыса Равіча адкрыецца 23 чэрвеня ў гарадзенскай сінагозе. Гарадзенцам і гасцям горада прадставіцца рэдкая магчымасць з дапамогай здымкаў прайсці па краіне Танаха.
У цэнтры адпачынку і развіцця “Партал” 18 чэрвеня прайшоў дзень адкрытых дзвярэй прысвечаны гульні “Мафія”. На сустрэчы можна было навучыцца гуляць і даведацца пра гарадзенскія клубы мафіі. А мы сабралі парады ад вядоўцаў, як перамагчы ў гульні ў ролі мірнага жыхара і мафіі.
Апрацоўка ад кляшчоў ва ўрочышчы Пышкі, аб’яўленая на 21-24 чэрвеня, пакуль адкладваецца ў сувязі з неспрыяльным прагнозам надвор’я, паведамілі ў Гродзенскім занальным цэнтры гігіены і эпідэміялогіі. Удакладненні пра новыя тэрміны аб’явяць пазней, а пакуль мы мелі час высветліць, у чым заключаецца сутрасць апрацоўкі навошта і калі яе робяць. Разабрацца з гэтымі пытаннямі дапамагаюць адмыслоўцы – намесніка начальніка ВТА Гродзенскай гарадской жыллёва-камунальнай гаспадаркі Тадэуш Толкач і біёлаг Гродненскага занальнага цэнтра гігіены і эпідэміялогіі Жана Скубановіч.
Студэнтка ГрДУ Анастасія ўжо тыдзень апытвае гарадзенцаў на тэму бясплатнага велапраката для навучэнцаў. На думку дзяўчыны, яго стварэнне вырашыць праблему транспарту для многіх студэнтаў.
Гарадзенцы, якiя жывуць на занёманскай частцы горада, прыемна здзівіліся: ім на некалькі дзён раней за вызначаны тэрмін уключылі гарачую ваду. Як аказалася, гараджан парадавалі супрацоўнікі цеплавых сетак, якія за перыяд адключэння вады хутка і зладжана выканалі пастаўленыя работы.
Мастачка Каця Забеліна ад зімы праводзіць заняткі па малюнку для дарослых. Сваю праграму яна склала такім чынам, каб ахвотныя навучыцца маляваць хутка пабачылі вынік і з кожнага занятка сыходзілі з гатовай карцінай. Станавіцца прафесійнымі мастакамі навучэнкі Каці не збіраюцца. А пра тое, чаму варта адарвацца ад любімай канапы, выйсці з сеціва і памаляваць, расказалі ў час пленэра на беразе Нёмана.
Гарадзенскі падарожнік Сяргей Мароз, які адправіўся ў далёкі шлях на ўсход, ужо ў Санкт-Пецярбургу. Наперадзе ў яго Петразаводск і Мурманск, з пастаўленага шляху ён сыходзіць не плануе.
