Зімова-вясновае раздарожжа з мокрым снегам, дажджом і лужынамі не пакідае шанцаў натуральнаму абутку. Каб захаваць стылёвы выгляд і дарагія зімовыя боты, варта змяніць “скуру” на “гуму”. Расказваем, дзе яе шукаць у Гродне.
Стары ясень, які прастаяў у гарадскім парку больш за дзве сотні гадоў, высах і памер у 2008 годзе. З той пары ідэя захаваць рэштку дрэва ў якасці гістарычнага арт-аб’екта раз-пораз усплывала ў інфармацыйнай прасторы. Мінулым летам збор прапановаў праводзіў “Твой стыль”. Старшыня гарвыканкама абяцаў падтрымаць рэалізацыю ідэі і прымеркаваць яе да Фестывалю нацыянальных культур. Аднак зараз пытанне пра лёс дрэва і магчымасць прадоўжыць яго “жыццё пасля смерці” паўстала ізноў.
15 лютага ў Беларусі, у тым ліку і ў Гродне, адзначалася памятная дата – 27-я гадавіна вываду савецкіх войск з Афганістану. Каб ушанаваць памяць землякоў, якія адтуль не вярнуліся, сотні чалавек сабраліся каля афганскага манумента. Былі ветэраны вайны, сваякі загінуўшых, чыноўнікі і проста неабыякавыя жыхары горада.
Каля 150 прадпрымальнікаў у панядзелак 15 лютага выйшлі на плошчу Леніна ў Гродне. Галоўнай мэтай мітынгуючых з’яўлялася адмена ўказу №222.
Акцыю ў абарону сваіх правоў правялі ў панядзелак, 15 лютага, прадпрымальнікі Гродна. Яны выйшлі на плошчу Леніна, каб расказаць пра свае праблемы ўладам і выказаць салідарнасць з падобнай акцыяй у Мінску і іншых рэгіёнах краіны.
Валанцёры Чырвонага крыжа ў Дзень закаханых арганізавалі тэматычны квэст у цэнтры Гродна. 20 пар цягам дзвюх гадзін бегалі па станцыях і адказвалі на пытанні. Пяць самых хуткіх пар атрымалі ў якасці падарунку бясплатныя фотасесіі ў стылі “Love story”.
На гэтым тыдні тэмпература паветра будзе вагацца ад +4° днём да -3° ноччу. У другой палове тыдня чакаюцца дажджы і мокры снег.
У Дзень закаханых у гандлёвым цэнтры “OldCity” знайшлі сваю Валянціну, паставілі рэкорд па самым масавым пацалунку ў Гродне, а таксама адшукалі самую маладую і самую старую закаханую пару.
Напярэдадні Дня закаханых карэспандэнт “Твайго стылю” прайшоўся па цэнтры Гродна і спытаўся ў мінакоў, што для іх значыць гэтае свята. Як аказалася, для гарадзенцаў 14 лютага – дзень добрага настрою, усмешак, свята пазітыву, у якое прынята дарыць падарункі. І, натуральна, свята кахання.
Дабрачынны кірмаш у падтрымку цяжкахворых дзяцей прайшоў 13 лютага. Удзельнікі акцыі маглі не толькі дапамагчы тым, хто ў патрэбе, але і весела правесці час у выходы дзень.
