Напярэдадні каталіцкай Вербніцы ў Гродне пачаўся продаж адмыслова ўпрыгожаных галінак вербы, якія традыцыйна называюць “пальмамі”. Цана залежыць ад памеру галінак і пачынаецца ўжо ад 10 тысяч рублёў.
140 валанцёраў на працягу дзевяці месяцаў працавалі ў Гродне над стварэннем сэнсарнага пакоя для дзіцячага хоспіса. За гэты час яны вывезлі больш за 10 тон смецця і стварылі праект, аналагаў якому ў Беларусі няма.
Гродзенскі абласны суд 29 сакавіка пачне слуханні па справе падлетка з Гродна, якога звінавачваюць у забойстве пяцігадовага брата ў жніўні 2015 года, піша Белта. Падлетак абвінавачваецца па ч.1 арт.14 КК (замах на злачынства), ч.1 арт.139, п.п.2, 8, 16 ч.2 арт.139 КК (забойства), ч.2 арт.218 КК (наўмыснае знішчэнне або пашкоджанне маёмасці).
Непрадбачаныя абставіны паўсталі ў будаўнікоў, якія ўзяліся за рэканструкцыю дома па вуліцы Кірава, 3. Частка цэнтральнага фасада павалілася і прымусіла хвалявацца як гісторыкаў, гэтак і неабыякавых гараджан. Будаўнікі запэўніваюць, што далейшае разбурэнне будынка не прадугледжана.
Другі этап папулярнага беларускага конкурсу прайшоў на сцэне Гарадзенскага каледжа тэхнікі, тэхналогіі і дызайну. У ім прыняло ўдзел адзінаццаць дызайнераў.
У сакавіку ў Гродне адчынілася новае месца – гастрабар “Вердэн”. Адзін з яго заснавальнікаў расказаў пра ідэю месца і патлумачыў, чаму пераехаць з Піцера ў нашмат меншы Гродна ды пасля працы ў дыпламатыі заняцца гастраноміяй – гэта нармальна.
У панядзелак, 14 сакавіка, на плошчу ў Гродне выйшла толькі шэсць прадпрымальнікаў і адзін незадаволены грамадзянін. Акцыя пратэсту доўжылася менш за гадзіну. За гэты час прадпрымальнікі паспелі абмеркаваць праблемы, з якімі яны сутыкаюцца. Адна з іх – продаж боксаў на рынку “Паўднёвы”.
Другая гарадзенская міжпакаленчая Жывая бібліятэка пройдзе 19 сакавіка. Разам з “жывымі кнігамі” пагартаем старонкі сямейных альбомаў, “пачытаем” гісторыі пра жыццёвыя авантуры і прыгоды, неспадзяваныя вандроўкі і знаёмствы, а таксама пачуем кранальныя сямейныя легенды ды гісторыі кахання.
У Беларусі ў канцы гэтага тыдня ўсталюецца зімовае надвор’е. Пачынаючы з пятніцы і да канца тыдня ўладу над надвор’ем возьмуць актыўныя атмасферныя франты. Праходзячы праз нашу краіну, яны будуць зацягваць халоднае паветра паўночных шырот. Сярэдняя тэмпература чакаецца на 1—3°С ніжэй за норму. Усталюецца снежнае покрыва вышынёй 1—5 см.
У канцы 2015 года на рынку “Паўднёвы” скончылі будаўніцтва новых аптовых складоў. Тады абяцалі, што першыя прадпрымальнікі пачнуць працаваць там ужо ў сакавіку 2016 года. Як аказалася, на арэнду складоў яшчэ нават не праводзілі аўкцыёну.
