Гарадзенскі дзіцячы хоспіс працягвае ствараць месцы з безбар’ерным асяроддзем, што змогуць аб’яднаць дзяцей, бацькоў і медыкаў. Новы кінатэатр – дргугі пасля сэнсарнага пакою праект такога кшталту. Разам з супрацоўнікамі дзіцячага хоспіса на новай пляцоўцы працуюць валанцёры. Дапамагчы можа кожны і не толькі ўласнай працай ці нейкімі рэчамі – ёсць магчымасць ахвяраваць сродкі праз краўдфандынгавыя платформы.
Таксіста Андрэя Этэля (на фота), якога забілі ў ноч з 13 на 14 жніўня каля Гродна, пахавалі 17 жніўня. На развітанне з ім прыйшлі сотні людзей. Акрамя сваякоў і знаёмых, былі звычайныя гарадзенцы ды калегі. Падазраваныя, якія забілі чалавека за 600 тыс. рублёў, тым часам прызналіся ў злачынстве і кажуць, што раскайваюцца.
Напярэдадні Дня фатографа і Дня горада гарадзенцам прапануюць прыняць удзел у інтэрнэт-флэшмобах. Адну акцыю арганізавалі Цэнтр ПОРА разам з драмтэатрам, а другую самі гараджане.
Славак Лукаш і японка Аканэ 16 жніўня згулялі ў Гродне беларускае вяселле згодна з усімі традыцыямі. Праўда, гэта была толькі інсцэнізацыя, а маладыя проста навучаюцца ў школе рускай мовы ў ГрДУ.
Беларускамоўную краму “Багач” сістэмы гандлю “Сёе-тое” адкрылі 16 жніўня на вуліцы Савецкай у Гродне. На адкрыцці першай крамы “Гроднааблсаюздрука” былі музыка, танцы і сцэнічныя персанажы праекта “Жывая гісторыя”, а таксама намеснік Міністра інфармацыі Беларусі Уладзімір Матусевіч.
У нядзелю, 14 жніўня, п’яны раней не судзімы гарадзенец 1998 года нараджэння на вуліцы Паповіча збіў двух пенсіянераў, якія ішлі ў госці да сваякоў. Хулігана затрымалі, у дачыненні да яго ўзбуджана крымінальная справа, паведамілі ў прэс-службе гарадзенскай міліцыі.
Савет міністраў 2 жніўня ўнёс будынкі Станіславоўскай кафлярні ў Гродне ў спіс гісторыка-культурнай спадчыны Беларусі. Яшчэ тры гады таму гэта прапанавалі зрабіць гарадзенскія гісторыкі. Разам з кафлярняй у спіс трапілі яшчэ амаль 40 аб’ектаў па ўсёй Беларусі.
Гарвыканкам вызначыў спіс вуліц, на якіх на фасадах дамоў нельга ўсталёўваць антэны ды іншыя канструкцыі. Гэта тычыцца будынкаў, што выходзяць на галоўныя вуліцы горада, а таксама тых, што ёсць у спісе гісторыка-культурных каштоўнасцей, піша “Гродзенская праўда”.
Звесткі з сацыяльных сетак пра знікненне а пасля і пра гібель гарадзенскага таксіста, што з’явіліся 14 і 15 жніўня, атрымалі афіцыйнае падцверджанне. Намеснік начальніка ўпраўлення крымінальнага вышуку УУС Гродна Аляксандр Траско пракаментаваў абставіны злачынства.
Гарадзенскі таксіст не вярнуўся з начной змены 14 жніўня. Яго машыну знайшлі ў лесе недалёка ад Гродна.
