Эдвард Курчэўскі з ранняга дзяцінства марыў ствараць мультфільмы. Ён маляваў ў Гродне, маляваў і здымаў у Польшчы, а цяпер малюе ў Францыі. Эдвард зразумеў, што менавіта ў парыжскай школе анімацыі “Gobelins l’école de l’image” зможа цалкам раскрыцца і прынесці свету штосьці новае. Аднак спыніць яго на шляху могуць цяжкасці з аплатай навучання.
Многія гарадзенцы раніцай 22 верасня пакінулі свае аўто дома і пераселі на ровары, а хтосьцi вырашыў скарыстацца грамадскім транспартам. У ліку тых, хто падтрымаў сусветны Дзень без аўтамабіля, быў і старшыня гарвыканкама Мечыслаў Гой.
Псіхалогія, інфаграфіка, аратарскае мастацтва і майстэрства прэзентацый, экалагічнае спажыванне – гэта тэмы першых адкрытых заняткаў, які прайшлі 18 верасня ў межах Гарадзенскіх Майстэрняў Ведаў і сабралі людзей самых розных узростаў і інтарэсаў.
Вечарам 20 верасня актывісты “ВелаГродна” правялі ў цэнтры Гродна прафілактычную размову з гараджанамі, якія рухаліся на роварах ў цёмны час сутак без святлоадбівальных элементаў і ліхтарыкаў. Тыя, што не мелі светлаадлюстравальных элементаў, атрымалі іх у падарунак. Акцыя ладзілася ў межах тыдня мабільнасці.
Малюнак Гродна даўжынёй амаль 40 і вышынёй 5 метраў з’явіўся ля падножжа Новага замка каля года таму. Група гарадзенскіх графіцістаў бясплатна стварыла арт-аб’ект, фарбу на каторы выдзеліў гарвыканкам. Але праз 12 месяцаў стала заўважна, што велізарная выява пачынае псавацца – ападае тынкоўка, а на малюнках з’яўляцца чорныя плямы. Вялікая верагоднасць таго, што арт-аб’ект можа не перажыць зіму.
Па горадзе ходзяць чуткі, што папулярная галерэя “Крыга” закрываецца. Насамрэч, пра гэта нават не ідзе гаворка. Проста ўладальніца вырашыла абнавіць памяшканне ды пашырыць магчымасці галерэі. Цяпер гэта не толькі мастацкая галерэя, але і прастора, дзе людзі змогуць збірацца і праводзіць прэзентацыі або проста мець зносіны. З 20 верасня там свае сустрэчы будзе праводзіць “Цэнтр гарадскога жыцця”.
У Гродне, па вуліцы Маставой, 37, завяршаецца рамонт будынка, якi калісьці ўваходзіў у комплекс кляштара кармелітаў. Цяпер там жывуць звычайныя гараджане, а яшчэ 200 гадоў таму жылі манахі, а пасля салдаты. З выгляду будынак мала адрозніваецца ад іншых старых пабудоў у Гродне, але калі спусціцца ў падвалы, то можна літаральна перанесціся ў XVIII стагоддзе.
Суд Кастрычніцкага раёна Гродна 8 верасня вынес рашэнне па справе 78-гадовай пенсіянеркі Марыі Андрэеўнай і яе 47-гадовай дачкі Валянціны [усе імёны змененыя]. Суд пастанавіў, што сталая жанчына страціла права валодання і карыстання жыллёвай тэрыторыяй у Гродне. У бліжэйшым часе яе павінны будуць выпісаць з кватэры, дзе яна ніколі не жыла, але якую дапамагала будаваць.
Дакладная лічба беларускага школьніцтва ў Гродне невядомая — прыкладна каля 50 чалавек. Прыкметаў яго пашырэння пакуль не назіраецца, піша svaboda.org.
На працягу трох дзён спецыялісты расійскай фірмы “НЕК4” Аляксандр і Сяргей здымалі галоўныя вуліцы Гродна для праекта “Яндекс. Карты”. Праз некалькі месяцаў гарадзенцы змогуць убачыць вынікі іх працы.
