Сёння ў Францыі дадуць старт чэмпіянату Еўропы-2016 па футболе, які пройдзе на 10 стадыёнах ў 9 гарадах краіны. Турнір будзе доўжыцца цэлы месяц, у ім бяруць удзел лепшыя каманды кантыненту. Зборная Беларусі ў чарговы раз не прабілася на Еўра, але ў нашай краіне гэты чэмпіянат любяць і чакаюць з нецярпеннем. “Твой стыль” выйшаў на вуліцы Гродна і даведаўся, за каго гарадзенцы будуць заўзець сёлета.
Начальнік пастаянна дакарае за спазненні? Часта стаў спазняцца на пары? Трэба прачнуцца на спатканне, а ты баішся праспаць? Ніколі не прачынаўся ад незнаёмага, прыгожага голасу? Новую паслугу пачалі прапанаваць у Гродне. Праект “Абудзі мяне” стартаваў нядаўна і ўжо паспеў абудзіць дзясяткі гарадзенцаў.
У Гродзенскую вобласць 9 чэрвеня з азнаямленчым візітам прыбыў кіраўнік аддзялення пасольства Швейцарскай канфедэрацыі ў Беларусі Паскаль Эбiшэр. Спачатку дыпламат сустрэўся з кіраўніком вобласці Уладзімірам Краўцовым, з якім абмеркаваў шэраг эканамічных пытанняў. У другой палове дня Паскаль Эбiшэр меў сустрэчу з прадстаўнікамі дэмакратычных і грамадзянскіх супольнасцяў горада і вобласці.
З 8 па 10 чэрвеня ў Гродне праходзіць 17-ы Рэспубліканскі агляд-конкурс прафесійнага майстэрства супрацоўнікаў дарожна-патрульнай службы Дзяржаўтаінспекцыі Беларусі. Конкурс аб’яднаў самых хуткіх, дакладных і вынослівых інспектараў з усёй краіны – агулам восем каманд: сем рэгіёнаў і спецпадраздзяленне “Страла”. Па-за конкурсам выступае зборная каманда супрацоўнікаў ДПС ДІБДР Расійскай Федэрацыі.
У Гродне распрацоўваюцца маршруты для тралейбусаў, у якія ўвойдуць участкі гарадскіх дарог без кантактнай сеткі. Аб гэтым карэспандэнту БЕЛТА паведаміў дырэктар Гродзенскага тралейбуснага ўпраўлення Віктар Шарэйка.
Суднаходны праекта “Попутный ветер”, які меў завітаць у Гродна ў маі, усё ж наведае наш горад у ліпені. Рэканструктары эпохі вікінгаў прапануюць усім, хто здолее пройсці адбор, трапіць у каманду, якая адправіцца з 10 ліпеня ў трохтыднёвую экспедыцыю па Нёмане. Мэта – Клайпеда.
Праз два гады пасля маштабнай рэканструкцыі на чыгуначным вакзале адкрываецца першая кавярня. Цяпер турысты і гарадзенцы могуць перад адпраўленнем цягніка спакойна падсілкавацца ў фаст-фудзе “Біг Джонс”.
У летнія адпачынкі да двух мораў – Балтыйскага і Чорнага – гарадзенцы цяпер могуць накіроўвацца наўпрост з роднага горада. 7 чэрвеня з гарадзенскага аэрапорта вылецелі першыя сёлета рэйсы ў Бургас і Калінінград. Абодва пералёты выконвае кампанія “Белавіа”.
Папаўненне ў кенгуру адбылося яшчэ ў пачатку студзеня: супрацоўнікі заапарка ўбачылі ў самкі варушэнне ў сумцы. Кенгураня нарадзілася вельмі маленькім і на працягу чатырох месяцаў яго практычна не было відаць. Нават зараз, праз паўгода, малы імкнецца не пакідаць матчыну торбу.
У канцы мая Нацыянальны гістарычны архіў у Гродне выдаў адмысловы даведнік па фондах сваіх сховішчаў. На яго стварэнне гарадзенскія архівісты выдаткавалі больш за пяць гадоў. Даведнік на 400-х старонках размяшчае інфармацыю аб усіх дакументах, якія захоўвае архіў. А гэта амаль 500 тысяч адзінак, якія адлюстроўваюць гісторыю Гарадзеншчыны з XVI да пачатку XX стагоддзя.
