У цэнтры горада з’явіліся адразу два новыя месцы, дзе можна абмяняць або ўзяць бясплатна кнігі. У “Краме Ц” дзейнічае першы беларускамоўны буккросінг, а на вуліцы Ажэшкі, каля офіса Чырвонага крыжа, можна як прыдбаць або аддаць кнігі ў абедзенны час.
Доўгія выходныя прынеслі нечаканыя непрыемнасці Гродзенскаму дзіцячаму хоспісу. Вярнуўшыся 11 мая на працу, супрацоўніцы ўбачылі, што з клумбы ля ўваходу зніклі дзве пірамідальныя туі і ўсе ірысы, каторыя высадзілі гараджане на дабрачынным суботніку.
Ужо некалькі дзён на Савецкай плошчы ў густым кустоўі праводзяць людзі, якія яшчэ нядаўна жылі ў доме начнога знаходжання для асоб без пэўнага месца жыхарства. Бяздомныя пенсіянеры распавядаюць, што ў доме, дзе яны правялі зіму, іх адправілі ў “акадэмічны адпачынак”, бо на двары добрае надвор’е.
Былы габрэйскі квартал у Гродне страціў яшчэ адзін будынак. У канцы мінулага тыдня на вуліцы Працоўнай будаўнікі знеслі пабудову пачатку XX стагоддзя.
У час урачыстых мерапрыемстваў, прысвечаных гадавіне перамогі, карэспандэнтка “Твайго стылю” прайшлася па парку Жылібера ў Гродне, каб задаць мінакам некалькі простых пытанняў: перамогу ў якой вайне святкуюць 9 мая і ці ёсць нешта асабістае, што звязвае людзей з мінулымі падзеямі. Адказы можна пабачыць ў відэа.
Завяршэннем святочнай праграмы Дня Перамогі ў Гродне стаў святочны салют. А дзясятай вечара пад залпы гармат неба над горадам расквітнела каляровымі зоркамі. Як выглядаў салют Перамогі і начны горад пасля можна пабачыць у нашым фотарэпартажы.
Святкаванне Дня Перамогі ў Гродне пачалося традыцыйным шэсцем ветэранаў, прадстаўнікоў улады, арганізацый горада і моладзі да Кургана Славы. Там прайшоў ўрачысты мітынг і паказальныя баі на нядаўна збудаванай “Лініі Карбышава”.
У гарадзенскіх парашутыстаў новы скачковы сезон супаў з юбілейнай датай – 25-годдзем аэраклуба. У першы дзень новага сезону, 8 мая, на старым аэрадроме спартоўцы здавалі залікі пасля зімовага перапынку, а кіраўніцтва правярала гатоўнасць парашутыстаў і будавала планы на будучы сезон.
Буйная беларуская сетка кавярняў “Кофе Саунд” 8 мая адкрыла дзверы свайго прадстаўніцтва для каваманаў і меламанаў Гродна. На вуліцы Ажэшкі, недалёка ад чыгуначнага вакзала, цяпер працуе ўстанова, гатовая прымаць кліентаў з 8.00.
Неспадзявана, без дадатковай рэкламы і папярэджанняў, у Гродне адкрываецца новы скейтпарк. Яго стварылі ля гандлёвага цэнтра OldCity. Моладзь ужо абкатвае новую пляцоўку.
