“Звычайны сярэднявечны вечар” прайшоў у парку Жылібера ў суботу, 10 верасня. Мясцовыя ваенна-патрыятычныя клубы эпохі Вялікага Княства Літоўскага распавядалі гараджанам пра сярэднявечча, а таксама паказалі як правільна плесці кальчугу.
У Гродне ўпершыню падчас выбараў адкрыўся дзіцячы выбарчы ўчастак. Ён размясціўся на базе абласнога інстытута развіцця адукацыі. Там маглі прагаласаваць усе, каму яшчэ не споўнілася 18 гадоў. Праўда, выбіралі не сярод кандыдатаў у парламент, а паміж герояў мультфільмаў: тут былі Фіксікі, Карлсан, Маша з мядзведзем ды іншыя папулярныя персанажы. Пераможца галасавання 17 верасня будзе цешыць дзяцей на Дні горада ў Кастрычнiцкiм раёне.
У Гродне, як і ва ўсёй краіне, 11 верасня праходзіць асноўны дзень галасавання на выбарах дэпутатаў у Палату прадстаўнікоў. Участкі пачалі працу з 8 раніцы і сустракаюць выбаршчыкаў з музыкай і ўсмешкамі.
Гісторыя з Домам Мураўёва дагэтуль адна з самых трагічных па мерках старога Гродна. Велічны будынак у стылі мадэрн, з шыкоўнымі інтэр’ерамі, за савецкім часам перадалі абласной бібліятэцы. У канцы 1980-х бібліятэка пераехала, у доме пачаўся «рамонт», які перайшоў у перманентнае занядбанне і раскраданне з карупцыйнымі скандаламі ды крымінальнымі справамі, піша belsat.eu.
У гарадзенскай школе №7 адбылася дабрачынная акцыя “Добрыя справы табе, любімы горад”, прымеркаваная да Дня горада. Першакласнікі 9 верасня выйшлі ў школьны сад і сабралі некалькі мяшкоў яблыкаў для жывёл гарадзенскага заапарка.
У Свята-Пакроўскім кафедральным саборы 8 верасня адбылося святочнае мерапрыемства – моладзевае праваслаўнае брацтва адзначыла 15 гадоў. У сувязі з гэтым на набажэнстве настаяцель храма айцец Георгій Рой перадаў брацтву новую харугву. Старую, якая існуе ажно з канца XIX, пакінуць у храме і пазней змесцяць у музеі.
Раніцай на абноўленых пляцоўках пуста, але ўвечары, калі хлапчукі вызваляюцца ад заняткаў, на вулiцы зноў весела, як было і 10 гадоў таму. Адрадзіць дваравы баскетбол на вуліцы Белыя Росы ў Гродне ўдалося дзякуючы Вользе Салавей.
20-гадовага гродзенца Максіма Ягнешка абвінавачвалі адразу па трох артыкулах: пагроза забойствам, адкрыты крадзеж маёмасці, спалучаны з гвалтам, не небяспечным для жыцця і здароўя пацярпелага, а таксама злоснае хуліганства, піша TUT.BY.
У Гродне на тэрыторыі Аграрнага ўніверсітэта з 8 верасня праходзіць найбуйнейшая выстава-кірмаш вінаграду. Сюды штогод з’язджаюцца лепшыя вінаградары з усёй Беларусі.
Гарадзенскі фатограф Ян Хведчын прадставіў першы ў Беларусі фотапраект, у якім свет паказаны так, як яго бачыць сабака. Мэта праекта: прыцягнуць увагу да жывёл, якія знаходзяцца ў пункце часовага ўтрымання бездаглядных жывёл у Гродне.
