Набор з дзесяці паштовак гарадзенцы пабачылі на прэзентацыі, што прайшла ўвечары 22 красавіка. На картках намаляваныя выявы будынкаў або фрагментаў дэкору, характэрных для раёна Новы свет. Таксама наведнікам “Крыгі” прадставілі новы макет-складанку даўняй гарадзенскай ратушы.
18 красавіка ў кінатэатры “Чырвоная зорка” адбыўся прэм’ерны паказ фільма “Бабруйск-Дакар”. На паказе прысутнічалі рэжысёр, прадзюсар і гукарэжысёр фільма. Жадаючыя маглі задаць любыя пытанні падчас абмеркавання.
Адкрыццё сезону прайшло ў суботу 19 красавіка ў выглядзе велапрабегу. Апоўдні на Савецкай сабраліся тры сотні гарадзенскіх аматараў веласіпедаў. Вялікі фотарэпартаж для “Твайго стылю” зрабілі навучэнцы МедыяСтудыі.
“Магічная мапа” пашыраецца! Кампанія “Будзьма беларусамі!” распачынае другі сезон праекта. Сёння сваю магічную мапу пакажа музыка, рок-паэт, заснавальнік гуртоў “Людзі на балоце” і “Dzieciuki” Алесь Дзянісаў.
У гарадзенскім парку Жылібера можна ўбачыць незвычайныя інсталяцыі: даўжэзнага цмока і магутнае дрэва, сплеценыя з лазы.
Шматразова ўзнагароджаны спектакль гарадзенскага Тэатра лялек “Пікавая дама” атрымаў яшчэ дзве узнагароды на Міжнародным фестывалі камерных і монаспектакляў LUDI-2014 у расійскім Арле. Гарадзенцы заваявалі Гран-Пры і прыз моладзевага журы.
Пасля двух год чакання арган з Франкфурту на Майне ўсё ж добраўся да Гродна. Ён важыць 4,5 тоны, яго мантаж зойме цэлы месяц.
У нядзелю 30 сакавіка антыкавярню “Жывы час” апанавалі папяровыя птушкі і разнакаляровыя стужкі, а з розных куткоў чуліся народныя спевы. Суполка беларускай культуры праводзіла гуканне вясны.
Выстава актора і фатографа Аляксандра Луцэнкі прымеркавана да Міжнароднага дня тэатра і ўяўляе сабой сапраўдны тэатральны летапіс. Аўтар занатаваў сцэны шматлікіх тэатральных пастановак розных гадоў.
Другі занятак гарадзенскіх курсаў “Мова нанова” прайшоў у лютэранскай кірсе 24 сакавіка. Яго тэмай сталі казкі і займеннікі.
