Да Новага года застаецца ўсяго два дні. Многія ўжо даўно спланавалі, дзе адпачыць у святочную ноч. Для тых, хто не вызначыўся, мы падабралі праграму начных устаноў горада, якія гатовыя цешыць гасцей яркім шоў і святочным настроем.
У гарадзенскім заапарку зладзілі навагодняе свята з удзелам сімвалаў года, што сыходзіць і таго, што настае. 27 снежня дзеці і бацькі весела пабавілі час з аніматарамі-снегавікамі, выкрывалі хітрыкі бабы-Ягі і сустракаліся з жывёламі: кармілі на развітанне козачку і частавалі адмысловым “торцікам” малпаў.
28 снежня ў Гродне захаваецца цёплае надвор’е – чакаецца плюсавая тэмпература. Але ўжо з 29 снежня тэмпература пойдзе на зніжэнне, і Новы год абяцае быць марозным.
У драмтэатры 23 снежня прайшла дабрачынная елка ад Гродзенскага гарвыканкама для дзяцей, што выхоўваюцца ў шматдзетных, апякунскіх і прыёмных сем’ях, інтэрнатах, а таксама для дзяцей з інваліднасцю.
Чаканага поспеху Калядны кірмаш у Цэнтры рамёстваў “Спадчына” на вуліцы Рэйманта пакуль не мае. На другі дзень працы, 24 снежня, майстры аддалі перавагу спраўджанай вуліцы Савецкай, дзе плынь людзей значна большая.
Сотні гарадзенцаў на Раство засталіся без падарунка. На запланаваным паказе 3D-мэпінгу ў цэнтры горада яны так і не дачакаліся абяцанай казкі.
Каля 30 прыхаджан прыйшлі 24 снежня ў кірху на вячэрнюю літургію з нагоды Вігіліі Божага Нараджэння.
Сёлета на Каляды, 25 снежня, у небе над Гродна можна было пабачыць поўню. Супадзенне поўнага Месяца з Раством Хрыстовым з’ява даволі рэдкая. Паводле паведамлення NASA, апошні раз падобнае назіралі ў 1977 годзе, паўтарэнне адбудзецца толькі ў 2034. Да таго ж, калядная поўня бягучага, 2015 года, падпадае пад азначэнне “халоднай” – так астраномы называюць апошнюю поўню года, бо назіраюць яе ў пачатку зімы.
Католікі, пратэстанты ды і значная частка праваслаўных святкуе Раство 25 снежня. У лютэран, згодна са старой традыцыяй, у зімовыя святы прынята піць саграваючы глінтвейн. Пастар лютэранскай кірхі ў Гродне Уладзімір Татарнікаў спецыяльна для “Твайго стылю” прыгатаваў гэты напой і распавёў пра яго сакрэты.
Раннія прыцемкі і адсутнасць снегу напярэдадні навагодніх святаў ствараюць усе ўмовы для вечаровых шпацыраў па Гродне. Па-першае – не холадна, па другое – цемра хавае адсутнасць снегу. Галоўнае ж – святочная ілюмінацыя сцвярджае, што, нягледзячы ні на што, святы набліжаюцца.
Вызначыцца з маршрутам вечаровага шпацыру і навагодніх фотасесій можна, паглядзеўшы нашу навагодне-светлавую фотападборку.
