У панядзелак у абед на Старым мосце ў Гродне пачала збірацца вада, з-за якой утварыліся вялікія чэргі ў цэнтры горада. Супрацоўнікі Водаканала, якія прыехалі на месца затаплення, зачынілі ў бліжэйшых каналізацыях усе задвiжкі да высвятлення прычын аварыі. Магчыма, давядзецца і капаць, а гэта значыць, што рух праз Стары мост можа быць абмежаваны.
Праз два месяцы пасля публікацыі пра гіганцкія шыльды “Керамін”, якія псавалі гістарычную панараму горада, гарадское ўпраўленне архітэктуры ўсё ж разабралася з сітуацыяй і прымусіла магазін зняць рэкламу.
На гэтым тыдні надвор’е не парадуе нас сонейкам: будзе пахмурна і даждліва. Тым не менш, нягледзячы на тое, што пахаладала, тэмпература паветра будзе вышэй за кліматычную норму на некалькі градусаў.
Кірмаш-прэзентацыя “Агравясна -2016” адбываўся на тэрыторыі Гродзенскага дзяржаўнага аграрнага ўніверсітэта з 7 па 9 красавіка. Ён аб’яднаў Дзень адчыненых дзвярэй і тэматычную выставу, наглядна прадэманстраваўшы сувязь навукі і вытворчасці.
“Зроблена на вякі!” – так пракаментавала знаходку чытачка “Твайго стылю” Людміла, якая даслала нам фота арыгінальнай сметніцы, якую заўважыла, прагульваючыся ў Пышках. А магчыма, што гэта такі помнік чысціні, увекавечаны ў камяні.
Студэнты УЗВ і ГрДУ у суботу, 9 красавіка, далучыліся да сусветнай акцыі “Зробім!” і прыбралі смецце на старых праваслаўных могілках па вуліцы Антонава.
У Абласным палацы творчасці дзяцей i моладзi праходзіць творчы конкурс для дзяцей ад 7 да 17 гадоў з устаноў адукацыі Гарадзеншчыны. Пераможцы абласнога этапу адправяцца на фінал у Мінск.
Увечары, 8 красавіка, гарадзенец, які забыў ключы ад кватэры, вырашыў трапіць да сябе дадому праз дах. Зрабіць гэта яму не ўдалося. Каб зняць мужчыну з вышыні, выратавальнікі надзьмулі батут і выставілі лесвіцы.
Кубак Беларусі па шашках сярод самых юных аматараў праходзіць 8-10 красавіка ў найстарэйшым шахматна-шашачным клубе Гродна. Шляхам кваліфікацыі сюды патрапілі лепшыя прадстаўнікі з кожнай вобласці: усяго 7 каманд па 5 чалавек. Лепшая каманда атрымае кубак і грашовае ўзнагароджанне.
Цалкам адноўлены стадыён, якім цяпер будуць карыстацца не толькі школьнікі, але і жыхары ўсяго раёна, адкрылі 4 красавіка. Яго рэканструявалі ў межах трансгранічнага праекта праграмы “Латвія-Літва-Беларусь”.
