У Гродне падвялі вынікі дзейнасці пошукава-выратавальнага атрада “ЦентрСпас” у 2015 годзе. Камандзір атрада Яраслаў Струцiнскi таксама агучыў планы развіцця на 2016 год.
На гэтым тыдні захаваецца марознае зімовае надвор’е. З другой паловы тыдня марозы пачнуць крыху слабець. На асобных участках дарог захаваецца галалёдзіца. Вецер няўстойлівы слабы. Тэмпература паветра будзе вагацца ад -16°С да -9°С.
Першыя дні новага года традыцыйна з’яўляюцца прыбытковымі для прадпрымальнікаў, бо актыўнасць пакупнікоў высокая. Але ў Гродне на працу на адным з галоўных рынкаў горада не выйшаў ніводны індывідуальны прадпрымальнік. Сёлета на рынку вырашылі зрабіць вольныя дні аж да 5 студзеня. Акрамя аховы, некалькіх бабуль і гараджан, якія не ведалі пра выходныя, на рынку нікога не было.
Упраўленне спорту і турызму Гродзенскага аблвыканкама абвясціла конкурс “Лепшы спартсмен – 2015”. Пераможцаў у ім абяруць самі гарадзенцы. Галасаваць можна анлайн, праз email, традыцыйную пошту або па тэлефоне.
З надыходам новага года і моцных маразоў у парку Жылібера з’явіўся першы ў горадзе бясплатны каток. Для тых, у каго няма канькоў, працуе пракат.
У 22.30, 1 студзеня, два мужчыны скралі з-пад крамы “Алмі” па вул. Ліможа, 32Б сабаку пароды Джэк-расэл тэр’ер. Міліцыя прасіла дапамагчы ў яе пошуку і ўжо праз дзень жывёла знайшлася.
Літаральна за некалькі дзён да Новага Году старшыня гродзенскага аблвыканкама Уладзімір Краўцоў расказаў аб павышэнні турыстычнай прывабнасці Аўгустоўскага канала, якой мясцовыя ўлады будуць займацца ў наступным годзе. Адзін з аўтараў “Твайго стылю” падказвае чыноўнікам, што варта дадаць у іх планы.
Клуб настольных гульняў “Партал” хутка будзе існаваць у афлайнавай прасторы ды ўласным памяшканні. Ужо 3-га студзеня ён пачне працаваць як антыкафэ па вул. Вялікай Траецкай, 31. Клуб абяцае стаць не менш папулярнай пляцоўкай, чым ранейшы “Жывы час” або сённяшняя “Крама Ц”. Кіраўнік “Партала” Іван Петушок расказаў “Твайму стылю”, чым будзе жыць установа.
Больш за тысячу гарадзенцаў 2 студзеня наведалі адкрыццё доўгачаканага гарналыжнага цэнтру ў Каробчыцах. Хоць стаяць у чарзе даводзілася часам больш за гадзіну, практычна ўсе засталіся задаволеныя.
У 2010 годзе ў Гродне адкрылася другая крама інтымных тавараў “Паприка”. За пяць гадоў працы змянілася шмат. Дырэктар і ўладальнік крамы Юры Мельнікаў расказаў пра свае прынцыпы, як крама перажывае крызісы і чаму інтым-тавары лепш купляць не ў інтэрнэце, а ў афлайнавых крамах.
