Раніцай на абноўленых пляцоўках пуста, але ўвечары, калі хлапчукі вызваляюцца ад заняткаў, на вулiцы зноў весела, як было і 10 гадоў таму. Адрадзіць дваравы баскетбол на вуліцы Белыя Росы ў Гродне ўдалося дзякуючы Вользе Салавей.
Хакеісты гарадзенскага “Нёмана” стартавалі ў чэмпіянаце з паразы. У Салігорску ў асноўны час каманды згулялі 3:3, але ўжо ў авертайме “Шахцёру” спатрэбілася толькі 7 секунд, каб вырваць перамогу ў “Нёмана”.
У Гродне на тэрыторыі Аграрнага ўніверсітэта з 8 верасня праходзіць найбуйнейшая выстава-кірмаш вінаграду. Сюды штогод з’язджаюцца лепшыя вінаградары з усёй Беларусі.
Гарадзенскі фатограф Ян Хведчын прадставіў першы ў Беларусі фотапраект, у якім свет паказаны так, як яго бачыць сабака. Мэта праекта: прыцягнуць увагу да жывёл, якія знаходзяцца ў пункце часовага ўтрымання бездаглядных жывёл у Гродне.
Гарадзенскі “Нёман” стартуе ў чэмпіянаце краіны 8 верасня. За два дні да пачатку турніру каманда па традыцыі сустрэлася з праваслаўным святаром Паўлам Каспяровiчам i правяла агульную малiтву.
У гістарычнай частцы Гродна ідзе планавая замена старых цеплатрас. Будаўнікам у час прац адкрываюцца падмуркі старога горада. Ці ёсць тут пад зямлёй нешта каштоўнае?
У Дзень горада, які сёлета пройдзе 17 верасня, на беразе Гараднічанкі ў будынку, дзе калісьці размяшчалася фабрыка ігральных карт Лапіных, адкрыецца новае кафэ ў класічным стылі пад назвай “Паланэз”.
Бурмістр польскага Аўгустова Войцех Валюлiк разам з дэлегацыяй польскіх спартсменаў-байдарачнікаў праплыў па вадзе шлях да Гродна і 6 верасня на гарадскім пляжы сустрэўся са старшынёй гродзенскага гарвыканкама Мечыславам Гоем.
У Гродне пачаўся рамонт веладарожкі, якая вядзе ў бок Друскенік: ад скрыжавання вуліц Грандзіцкая-Ражанскага да прыпынку ў Зарыцы (каля крамы). Яна будзе асфальтаванай. У саміх Грандзічах таксама хутка пачнуць будаваць веладарожку.
Самір родам ён з Дагестана. Ён прыехаў вучыцца ў Гродна некалькі гадоў таму. Разам з сабой на час вучобы ён прывёз жонку – даволі рэлігійную асобу, а таксама дзіця. У горадзе на захадзе Беларусі каўказская сям’я адчувае сябе добра, вось толькі сямейныя прагулкі для іх становяцца сапраўдным выпрабаваннем.
