У Гродне, 28 верасня, двухгадовае дзіця праглынула сем батарэек, якія яго маці збірала для ўтылізацыі і захоўвала у шафе. Медыкам без наркозу ўдалося выняць шэсць батарэек, сёмая засталася ў кішэчніку і павінна будзе выйсці сама, паведаміла “Радыё Гродна”.
Гарадзенцаў і гасцей горада з 28 верасня запрашаюць у падарожжа па гукавых дарожках рарытэтных грампласцінак з фонду аддзела мастацтваў бібліятэкі імя Карскага і калекцыі гарадзенскага калекцыянера Аляксандра Сявенкі.
Трох жыхароў Гродна, якія мелі пры сабе гашыш, затрымалі на скрыжаванні вуліцы Каліноўскага і праспекта Будаўнікоў увечары, 28 верасня. Затрыманне меркаваных злачынцаў супрацоўнікі міліцыі праводзiлi наўпрост на дарозе.
У Гродне, 28 верасня, каля 14.20 на лецішчах каля “Азота” прарвала асноўны трубапровад. Вада моцным напорам хлынула ўверх зносячы ўсе перашкоды. Фантан ад прарыву трубы быў бачны з вокнаў шматпавярховак у цэнтры Гродна.
Шмат гадоў жыхары вуліцы Васілька распавядаюць гарадзенцам легенды, нібыта калісьці ў доме №14 жылі цэлыя пакаленні лесарубаў і цесляроў. Менавіта пасля тых рабацяг на доме і мелі застацца вісець інструменты, якія сімвалізуюць іх працу. Але пра якіх рабочых ідзе гаворка, ніхто з жыхароў вулiцы сказаць дакладна не можа.
У снежні 2016 упершыню ў Гродне пачнецца падрыхтоўка фiнтес-інструктараў. Комплексную праграму дадатковай прафесійнай адукацыі будуць даваць лепшыя інструктары Беларусі ў спартыўным клубе “Прыгожыя людзі”.
У другім паўфінальным матчы Кубка Салея “Нёман” згуляў з “Гомелем” у нічыю 1:1. Гэта дазволіла камандзе Сяргея Пушкова выйсці ў фінал, паколькі ў мінулым матчы гарадзенцы абыгралі суперніка з лікам 3:1.
Мы сустрэлі на вуліцах Гродна мноства дзяўчат з яркімі колерамі валасоў ды спыталіся, навошта яны фарбуюцца і ці адбілася гэта неяк на іх жыцці.
Перабудоўваць паркоўку ля парка Жылібера, побач з брацкай магілай жаўнераў Другой сусветнай, пачалі ў панядзелак, 26 верасня. Неўзабаве яе цалкам ліквідуюць. Падстава для гэтага – жаданне максімальна паскорыць праезд транспарту па гэтым фрагменце вуліцы.
У верасні 2015 года ад старога дома па вуліцы Маладзёжнай №3 пакінулі толькі фасад. Тады ж заказчык абяцаў узнавіць дом, які б упісваўся ў архітэктуру вуліцы. Праз год аб’ект набліжаецца да завяршэння, будаўнікі прыбралі агароджы і паказалі гарадзенцам навабуд з адной захаванай арыгінальнай сцяной. Пасля завяршэння ўсіх работ у новым будынку размесцяцца офісы.
