Больш за 150 байкераў увечары 8 ліпеня праехаліся па Гродне і зладзілі незвычайны “Парад агнёў”. Такім чынам уладальнікі цяжкіх турыстычных матацыклаў адкрылі 4-ы Міжнародны байк-фестываль “Goldwing-2016”. На яго прыехалі прадстаўнікі Беларусі, Нарвегіі, Бельгіі, Італіі, Францыі, Чэхіі, Латвіі, Польшчы і Расіі.
Да 2017 года ў Гродне з’явіцца яшчэ адзін рэстаран. Ён будзе знаходзіцца ў старым аднапавярховым будынку па вуліцы Калючынскай, 16, дзе некалі працавала папулярнае кафэ “Кронан”. Зараз там вядуцца падрыхтоўчыя працы да рэканструкцыі і будаўніцтва прыбудовы.
Футбалісты гарадзенскага “Нёмана” паспяхова стартавалі ў Кубку Беларусі. На стадыі 1/16 розыгрышу, у Стоўбцах 7 ліпеня жоўта-зялёныя разграмілі з лікам 5:0 мясцовы “Нёман-Агра”.
У чацвер 7 ліпеня прадстаўнікі ўпраўлення капітальнага будаўніцтва Гродна сустрэліся з актывістамі “Зялёнага дазору” на пляцоўцы будучага філіяла Парка высокіх тэхналогій. Дзяржаўная ўстанова справаздачылася аб праведзенай працы па выратаванні дрэў.
Трохтыднёвая экспедыцыя суднаходнага праекта “Спадарожны вецер” пачнецца 14 ліпеня ў Гродне. Рэканструктары эпохі вікінгаў разам з адважнымі добраахвотнікамі плануюць праплысці па Нёмане да Балтыкі на фестываль “Свята мора” у Клайпедзе. Праўда, сярод гарадзенцаў не знайшлося жадаючых адправіцца ў падарожжа.
Не паказаўшы годнай гульні, форвард Раман Васілюк пакінуў “Нёман”. Афіцыйны сайт гарадзенскага клуба паведамляе, што зрабіў ён гэта па сямейных абставінах.
У ДАІ афіцыйна пракаментавалі інцыдэнт звязаны з рэзананснай пагоняй, якая адбылася ўвечары 4 ліпеня на праспекце Янкі Купалы. Серабрысты Mercedes, які пераследавалі патрульныя машыны, быў знойдзены ў гаражы. Па факту сутыкнення праводзіцца службовая праверка.
Пацярпелыя звярнуліся ў міліцыю ўвечары 2 ліпеня, пасля таго як іх ля дамоў па вуліцы Дзяржынскага збіў невядомы. Дзякуючы аператыўным дзеянням супрацоўнікаў міліцыі, зламысніка знайшлі ў той жа вечар.
На арт-пляцоўцы гандлёвага цэнтра “АВС” гарадзенскі калекцыянер Алег Ёрш адкрыў выставу смеццевага мастацтва. Пабачыць яе можна будзе цягам месяца.
Працу над стварэннем незвычайнага роліка мастак Эміль Зянько пачаў у лютым. Тады ён займаўся эскізамі. У чэрвені хлопец пачаў здымкі, а праз месяц выпусціў відэа, якое імкліва стала набіраць папулярнасць.
