Яшчэ да пачатку сённяшняй прэс-канферэнцыі футбольны клуб “Нёман” апублікаваў афіцыйную заяўку на 2014 год. У яе трапілі 23 футбалісты: тры варатары, шэсць намінальных абаронцаў, адзінаццаць паўабаронцаў і тры нападаючыя.
Сёння ў зале для прэс-канферэнцый ЦСК “Нёман” адбудзецца сустрэча каманды з заўзятарамі, якая будзе прысвечана старту футбольнага сезона 2014 года. Каманда запрашае журналістаў і ўсіх аматараў футбола. Пачатак мерапрыемства ў 19.30.
Чарговы раз дружына Сяргея Саладоўнікава даказала, што “Нёман” – вельмі сур’ёзная і няўступлівая каманда. Футбалісты “Нёмана” паказалі гэта ў суботу на гарадзенскім стадыёне, дзе перамаглі чэмпіёна Беларусі з лікам 2:1. І прайшлі далей у Кубку.
“Твой стыль” працягвае серыю артыкулаў пра гісторыю гарадзенскага футбола. Мы дайшлі да 39-га і 40-ых гадоў. Час, калі нашы землі пераходзілі з рук у рукі. Спачатку “саветы”, пасля нацысты, зноў “саветы”. Менавіта ў гэты час з 1939 да 1945 года спорт у нашым рэгіёне быў у заняпадзе. Ён не знік, але і не развіваўся належным чынам.
У чарговым матчы паўфіналу са жлобінскім “Металургам” гарадзенцы атрымалі чацвёртую перамогу, якая дазволіла ім выйсці ў фінал. Вырашальную шайбу ў авертайме закінуў Андрэй Коршунаў.
Ужо праз лічаныя дні, у суботу 22 сакавіка, стартуе футбольны сезон у нашым горадзе. Стартуе ён з кубкавага матчу. У госці да “Нёмана” едзе чэмпіён Беларусі – барысаўскі БАТЭ. Хаця афіша стадыёна інфармуе чамусьці пра красавіцкі матч з дэбютантам лігі “Слуцкам”.
Стала вядома аб падпісанні трох новых гульцоў у лік гарадзенскай каманды. Гэта два латышскія легіянеры – 32-гадовы нападаючы Гіртс Карлсанс і 25-гадовы паўабаронца Ігар Тарасаўс. Таксама далучыўся 27-гадовы вядомы беларускі паўабаронца Андрэй Хачатуран. Тым часам скасаваны кантракт з панамскім атакуючым паўабаронцам Эктарам Іванам Робінсанам Ларам, які так і не згуляў за “Нёман”.
Учора ў Жлобіне прайшла трэцяя паўфінальная сустрэча “Нёмана” і “Металурга”, якая скончылася мінімальнай перамогай гарадзенскай каманды. Адзіную шайбу ў канцоўцы сустрэчы забіў Аляксей Бадун.
Сёння ў штабе гарадзенцаў праходзіла галасаванне з удзелам кіраўніцтва клуба, трэнерскага штаба і гульцоў. У выніку каманда вырашыла, што ў новым сезоне прозвішчы на гульнявых майках будуць, як і раней, нанесеныя на рускай мове. “Твой стыль” даведаўся меркаванні заўзятараў.
Напярэдадні рэферэндуму ў Крыме гарадзенцы ў размове з карэспандэнтам “Твайго стылю” разважаюць пра знаходжанне расейскіх войскаў ва Украіне.
