Стары раяль фірмы Grotrian-Steinweg, які выявілі ў мінулым годзе ў дзіцячай школе мастацтваў імя Тызенгаўза, застаецца ў навучальнай установе. Год таму кабінет з ім апячаталі. Адміністрацыя школы прыклала максімум намаганняў, каб інструмент застаўся ў іх і на ім працягнулі вучыцца граць дзеці.
З 4 верасня, разам з запускам цягніка Гродна-Кракаў, на чыгуначным вакзале ў Гродне зноў адкрылася крама Duty free. Тут можна набыць цыгарэты, алкаголь, касметыку, парфуму і розныя прысмакі без ПДВ.
У Свята-Пакроўскім кафедральным саборы ўжо стала традыцыяй адзначаць штогод Дзень беларускага пісьменства. У гэтым годзе 4 верасня згадалі творчасць народных паэтаў Беларусі, якія ў сваіх творах звярталіся да Бога і царквы.
Каля 40 чалавек прыехала ў Гродна 4 верасня на цягніку, які нанова злучыў Польшчу і Беларусь. Гэтага гарадзенцы чакалі са снежня 2015 года, калі папярэдняе спалучэнне ліквідавалі.
Гандбалісткі “Гараднічанкі” стартавалі з буйной паразы ў юбілейным 25-м чэмпіянаце Беларусі сярод жаночых каманд. У Гродне, на сваёй пляцоўцы, гуляючы супраць грознага “Гомеля”, падапечныя Аляксандра Сыцько нічога не маглі супрацьпаставіць дасведчанаму суперніку.
У суботу, 3 верасня, у Гродне стартаваў 28-ы чэмпіянат Беларусі па міні-футболе сярод каманд вышэйшай лігі. Адзіная дружына, якая прадстаўляе Гродна – “УУС – Дынама”, нечакана ў першым туры была разгромлена камандай “ВРЗ” з Гомеля.
На дарожках лесапаркавай зоны адпачынку “Пышкі” ў рамках адкрытага чэмпіянату Гродзенскай вобласці 3 верасня прайшоў этап Кубка Беларусі па бегу на лыжаролерах.
Дэгустацыя розных гатункаў кавы – капінг, а таксама аматарскі латэ-арт чэмпіянат па маляванні на каве, прайшлі ў кавярні “Наша кава” ў пятніцу 2 верасня.
Ужо два тыдні працягваецца велавандроўка двух хлопцаў-фрылансераў з Гомеля, якія за пяць тыдняў плануюць аб’ехаць усю Белаурсь. У Гродне Кірыл і Жэня гасцявалі два дні і за гэты час паспелі пазнаёміцца не толькі з мясцовымі славутасцямі, але таксама расказаць гарадзенцам пра сваё падарожжа.
У першы дзень восені Гродна стаў прыпынкам для ўдзельнікаў самай працяглай факельнай эстафеты ў свеце “Бега Мiру і Сяброўства”. За час знаходжання ў горадзе над Нёманам удзельнікі прабегу пабывалі ў гарадзенскіх школьнікаў на адмысловых уроках міру, а таксама наведалі святкаванне Дня ведаў у парку Жылібера.
