Другая Міжнародная навукова-практычная канферэнцыя па пошуку шляхоў захавання Каложскай царквы прайшла ў Гродне 30 верасня. Удзельнікамі канферэнцыі сталі навукоўцы з Польшчы, Украіны, Расіі і Беларусі. Яны паспрабавалі даць адказы на пытанні аб захаванні ўнікальнага храма-помніка.
Выстава “Дело жизни”, якая паказвае інтэр’ерныя патрэты гарадзенцаў, цалкам адданых сваёй справе, адкрылася ў новай арт-пляцоўцы ў гандлёвым цэнтры OldCity. Кожная з фатаграфій аўтарскага праекта Аляксандра Кузаса мае прадставіць справу жыцця героя ў дробных дэталях, каб глядач мог дакрануцца да яго свету захапленняў і зірнуць на яго знутры.
Акцыя, прымеркаваная да Міжнароднага дня барацьбы з ракам малочнай залозы, прайшла ў Гродне 30 верасня на Савецкай плошчы. Мэта мерапрыемства – расказаць грамадству, што рак малочнай залозы – гэта хвароба, ад якой памірае больш за ўсё жанчын. А таксама прыцягнуць увагу да выяўлення хваробы на ранніх стадыях.
Даўно “Нёман” не паказваў такога футбола на родным стадыёне, які паказаў у гульні са “Славіяй” 30 верасня. Гарадзенцы па ходзе матчу здолелі не толькі зраўняць лік, але і забіць яшчэ два галы.
Першая электронная прапускная сістэма ў гродзенскай навучальнай установе пачала працаваць 28 верасня. Цяпер усе вучні і работнікі школы №18 трапляюць ва ўстанову толькі па спецыяльных картках.
Ужо два дні працягваецца рамонт стэлы ў Каложскім парку. Працы пачаліся пасля таго, як на прыём да старшыні аблвыканкама Уладзіміра Краўцова прыйшоў гараджанін Мар’ян Сянкевіч. Ён быў заклапочаны тым, што доўгія гады стэлу ніхто не рамантуе.
Расійскі гумарыст Яфім Шыфрын 28 верасня, перад тым як выступіць са сваёй праграмай у Гродзенскім драматычным тэатры, прагуляўся па горадзе, каб ацаніць яго прыгажосць. А яшчэ паеў дранікаў і зрабіў здымак на замкавай гары.
У Мiнску 29 верасня прайшоў чарговы тур чэмпіянату Беларусі па хакеі, дзе зборная “U20” прымала гарадзенскі “Нёман”. У цяжкім паядынку перамогу атрымалі гарадзенцы. Вырашальную шайбу закінуў фінскі легіянер “Нёмана” Лакканен.
У гружанага яблыкамі МАЗа адкрыўся борт і на дарогу высыпалася каля тоны садавіны. Гэта здарылася ў Гродне, 29 верасня, каля 14.00 ля Румлёўскага моста. Да месца здарэння прыехала брыгада САХа каб сабраць усе яблыкі, к пасля вымыць дарогу, бо машынам пасля здарэння стала слізка ехаць.
Назва “трасавы мадэлізм” зразумелая далёка не кожнаму. Аматары такога спорту, даступнага кожнаму, ёсць і ў Гродне. Яны сустракаюцца ў абласным Палацы творчасці дзяцей і моладзі, дзе збіраюць мадэлі гоначных аўтамабіляў у розных маштабах, а потым запускаюць з дапамогай праграмавання і электрычнасці па спецыяльнай трасе.
