Пасля ўзлётаў бываюць падзенні – так адбылося ў матчы паміж “Металургам” і “Нёманам” у Жлобіне. “Ваўкі” спусцілі гарадзенцаў на зямлю і абыгралі з лікам 4:1. Адным з герояў матчу стаў выхаванец гарадзенскага хакея, а цяпер гулец “Металурга” Артур Коўрах, які адзначыўся перадачай і шайбай.
У аўторак 19 студзеня сотні гарадзенцаў згодна старой праваслаўнай традыцыі акунуліся ў ледзяную ваду Юбілейнага возера.
Стары будынак па вуліцы Кірава 3, так доўга чакаў рэканструкцыі, што цяпер з-за крытычнага стану ад яго пакінуць толькі фасад.
У нядзелю гарадская міні-футбольная каманда правяла нетыповую трэніроўку. Футбалісты замест звыклай залы выйшлі з мячом на лядовую пляцоўку.
Без страт і новых набыткаў міжсезонне ў Гродне ніколі не праходзіць.
Напярэдадні Вадохрышча, 18 студзеня, мітрафорны протаіерэй Аляксандр Наздрын, у саслужэнні дыяканаў Пакроўскага сабора, здзейсніў Чын вялікага асвячэння вады ў цэху разліву мінеральнай вады ў вёсцы Парэчча Гродзенскага раёна.
Яшчэ тры гады таму Стас быў хлопцам, які любіў добра адпачыць і выпіць алкаголю. Але ў адзін момант яго жыццё кардынальна змянілася. Ён забыўся што такое мяса, цыгарэты і алкаголь. Цяпер ён узорны сем’янін, займаецца спортам і прасоўвае ідэю веганства.
Каля 30 чалавек у нядзельную раніцу 17 студзеня правялі першую ў гэтым годзе трэніроўку на картах. Акрамя спартсменаў і аматараў, былі і зусім юныя гарадзенцы, якія хочуць займацца гэтым відам спорту. Перад пачаткам заездаў прысутныя дапамаглі расчысціць адзіную на сёння трасу для карцінгу ў Гродне. Яна знаходзіцца ля КБМ.
На выходных, 16 і 17 студзеня, у Гродне ў пяты раз спрабавалі адзначыць Сусветны дзень снегу. З гэтай нагоды ў суботу падрыхтавалі спецыяльныя мерапрыемствы ў Каробчыцах, але з-за неўзгаднення свята як такога не атрымалася. У нядзелю ж гараджане самі зладзілі сабе свята і адправіліся на мясцовыя снежныя горкі.
Нарэшце дачакаліся! У захапляльным матчы, 16 студзеня, каманда Мілаша Голаня на сваёй пляцоўцы здолела абыграць лютых ворагаў і парадаваць гарадзенскіх заўзятараў, якія ў гэты вечар практычна запоўнілі Лядовы палац.
