Аканнi Чэмзi Прынц Чарльз – менавіта так клічуць нігерыйскага студэнта, які прыехаў у Гродна ў 2014 годзе і пайшоў вучыцца не на падрыхтоўчы курс, а адразу ў Медыцынскі ўніверсітэт. Вучоба ў Беларусі – нармальная з’ява для афрыканскай моладзі. Прынц – ужо чацвёрты чалавек са сваёй сям’і, які прыехаў па адукацыю ў Еўропу.
Праз суткі пасля апошняга матчу “Нёман” і “Юнацтва” зноў скрыжавалі клюшкі ў гарадзенскім лядовым палацы. У Гродне мінчане як у першым, так і ў другім матчы атрымалі перамогу над мясцовымі хакеістамі.
У панядзелак, 14 сакавіка, на плошчу ў Гродне выйшла толькі шэсць прадпрымальнікаў і адзін незадаволены грамадзянін. Акцыя пратэсту доўжылася менш за гадзіну. За гэты час прадпрымальнікі паспелі абмеркаваць праблемы, з якімі яны сутыкаюцца. Адна з іх – продаж боксаў на рынку “Паўднёвы”.
У канцы 2015 года на рынку “Паўднёвы” скончылі будаўніцтва новых аптовых складоў. Тады абяцалі, што першыя прадпрымальнікі пачнуць працаваць там ужо ў сакавіку 2016 года. Як аказалася, на арэнду складоў яшчэ нават не праводзілі аўкцыёну.
Праз тыдзень вялікі хакей вярнуўся ў Гродна. У трэцім матчы паўфіналу паміж “Нёманам” і “Юнацтвам” перамогу на свой рахунак запісалі падапечныя Міхаіла Захарава. Дзякуючы тром неўзаемным шайбах мiнчане выйшлі наперад у серыі.
Сябры гарадзенскай “Паходнi” сабраліся 12 сакавіка ў галерэі “Крыга” каб успомніць і адзначыць у невялікім коле аднадумцаў 30 год з дня заснавання гісторыка-культурнага грамадскага аб’яднання, з якога выйшлі многія пазнейшыя грамадскія арганізацыі Гродна.
Гарадзенскі “Нёман” працягвае падрыхтоўку да новага сезона. І свой чарговы таварыскі матч, жоўта-зялёныя правялі ў Пінску, дзе прайгралi мазырскай “Славii”.
Чэмпіянат Беларусі па тайскім боксе прайшоў 1-5 сакавіка ў Мінску. У ім прыняло ўдзел больш за дзвесце баксёраў з усёй краіны. З сямі прадстаўнікоў Гарадзеншчыны, якія ўдзельнічалі ў спаборніцтвах, шэсць вярнуліся дадому з медалямі.
У Гродне працягваюць святкаваць Масленіцу. На гэты раз блінамі парадаваў гіпермаркет “АЛМІ”. Кожны жадаючы мог на паркоўцы ля крамы пакаштаваць бліны за сімвалічную суму. Усе выручаныя на акцыі грошы пойдуць на дапамогу хворым дзецям.
У ЦСК “Нёман” 12 сакавіка адбудуцца лёгкаатлетычныя спаборніцтвы па бегу на гадзіну часу і іншым дыстанцыям, пад назвай “Гарадзенская вясна”. Гэта мерапрыемства стане адкрыццём сезона для многіх спартсменаў і аматараў спорту Гарадзеншчыны.
