Начальнік пастаянна дакарае за спазненні? Часта стаў спазняцца на пары? Трэба прачнуцца на спатканне, а ты баішся праспаць? Ніколі не прачынаўся ад незнаёмага, прыгожага голасу? Новую паслугу пачалі прапанаваць у Гродне. Праект “Абудзі мяне” стартаваў нядаўна і ўжо паспеў абудзіць дзясяткі гарадзенцаў.
Хаця 175 год з дня нараджэння Элізы Ажэшкі мінула 6 чэрвеня, святочныя мерапрыемствы з гэтай нагоды правялі 9 чэрвеня. У гэты вечар каля дома пісьменніцы чыталі творы, а таксама прэзентавалі спецыяльны канверт выпушчаны да 175-годдзя нараджэння пісьменніцы.
Чарговы тур чэмпіянату Беларусі зноў скончыўся не на карысць “Нёмана”. Гэтым разам гарадзенцы саступілі яшчэ аднаму дэбютанту Вышэйшай лігi – ФК “Гарадзея”.
У Гродзенскую вобласць 9 чэрвеня з азнаямленчым візітам прыбыў кіраўнік аддзялення пасольства Швейцарскай канфедэрацыі ў Беларусі Паскаль Эбiшэр. Спачатку дыпламат сустрэўся з кіраўніком вобласці Уладзімірам Краўцовым, з якім абмеркаваў шэраг эканамічных пытанняў. У другой палове дня Паскаль Эбiшэр меў сустрэчу з прадстаўнікамі дэмакратычных і грамадзянскіх супольнасцяў горада і вобласці.
З 8 па 10 чэрвеня ў Гродне праходзіць 17-ы Рэспубліканскі агляд-конкурс прафесійнага майстэрства супрацоўнікаў дарожна-патрульнай службы Дзяржаўтаінспекцыі Беларусі. Конкурс аб’яднаў самых хуткіх, дакладных і вынослівых інспектараў з усёй краіны – агулам восем каманд: сем рэгіёнаў і спецпадраздзяленне “Страла”. Па-за конкурсам выступае зборная каманда супрацоўнікаў ДПС ДІБДР Расійскай Федэрацыі.
Незвычайны від спорту – слэклайн – з’явіўся ў Гродне ў 2013 годзе. Усё пачалося, калі студэнт медыцынскага ўніверсітэта Аляксандр сам вырашыў бліжэй пазнаёміцца з гэтым экстрэмальным заняткам. Зараз у яго камандзе восем чалавек, якiя папулярызуюць гэты спорт i запрашаюць гараджан далучацца.
У суботу, 11 чэрвеня, гарадзенскі цэнтр “Спадчына” далучаецца да сусветнай акцыі Дзень вязання на публіцы і запрашае да сябе ўсіх жадаючых.
Суднаходны праекта “Попутный ветер”, які меў завітаць у Гродна ў маі, усё ж наведае наш горад у ліпені. Рэканструктары эпохі вікінгаў прапануюць усім, хто здолее пройсці адбор, трапіць у каманду, якая адправіцца з 10 ліпеня ў трохтыднёвую экспедыцыю па Нёмане. Мэта – Клайпеда.
Праз два гады пасля маштабнай рэканструкцыі на чыгуначным вакзале адкрываецца першая кавярня. Цяпер турысты і гарадзенцы могуць перад адпраўленнем цягніка спакойна падсілкавацца ў фаст-фудзе “Біг Джонс”.
Папаўненне ў кенгуру адбылося яшчэ ў пачатку студзеня: супрацоўнікі заапарка ўбачылі ў самкі варушэнне ў сумцы. Кенгураня нарадзілася вельмі маленькім і на працягу чатырох месяцаў яго практычна не было відаць. Нават зараз, праз паўгода, малы імкнецца не пакідаць матчыну торбу.
