Гарадзенскі Лядовы палац ужо пачаў рэалізацыю сезонных абанементаў на гульні з удзелам “Нёмана” ў сезоне 2016/17 гадоў. Каб стымуляваць рэалізацыю абанементаў i прыцягнуць аматараў хакея, кіраўніцтва Лядовага разыграе сярод уладальнікаў абанементаў і квіткоў на ўсе матчы сезону аўтамабіль “Лада-Веста” коштам 161 млн рублёў.
У Доме футбола 13 чэрвеня адбылося лёсаванне 1/16 фіналу Кубка Беларусі 2016/2017 гг. Паводле жэрабя гарадзенскі “Нёман” пачне выступленне ў розыгрышы гульнёй супраць “Нёмана-Агра” са Стоўбцаў.
З 13 па 16 чэрвеня ў Гродзенскай вобласцi праходзяць камандна-штабныя вучэнні з сіламі тэрытарыяльнай абароны. Яны пройдуць у два этапы. Асноўны змест: выкарыстанне падначаленых сіл і сродкаў тэрытарыяльнай абароны і кіраванне імі пры выкананні вучэбна-баявых задач.
На рэспубліканскіх спаборніцтвах сярод супрацоўнікаў ДАІ, якія праходзілі ў Гродне, мясцовыя інспектары сталі лепшымі сярод усіх удзельнікаў. Лепшыя вынікі інспектары паказалі ў міліцэйскім біятлоне, манеўраванні, стральбе з табельнай зброі ў руху і ў медыцынскай падрыхтоўцы.
У нядзелю, 12 чэрвеня, кампанія “Лама Голд” сумесна з УУС Гродзенскага аблвыканкама зладзіла ў парку Жылібера свята для цяжкіх дзяцей пад дэвізам “Жыві выдатна, жыві правільна”. Перад гасцямі выступіла школа танца Олі Лета, духавы аркестр і дыджэі радыёстанцый Гродна.
Пасля працяглага перапынку ў інтэрнэце з’явіўся новы выпуск аўтарскай праграмы Наталлі Шматко “Нулявы кіламетр”. Ён прысвечаны знакамітаму калекцыянеру паштовак з выявай Гродна – Феліксу Варашыльскаму.
Урачыстае ўручэнне медалёў і атэстатаў выпускнікам школ адбылося 11 чэрвеня ў актавай зале інстытута “Гроднаграмадзянпраект”. З рук старшыні гарвыканкама Мечыслава Гоя, а таксама кіраўнікоў абедзвюх адміністрацый раёнаў горада, атэстаты і медалі атрымалі 170 выпускнікоў.
Не прайшло і двух тыдняў, як вандалам удалося дабрацца да новых вазонаў з сімволікай горада, якія ўсталявалі ў цэнтры напярэдадні Фестывалю нацыянальных культур. У ноч з 10 на 11 чэрвеня невядомыя разбілі вазон на вуліцы Савецкай ля кнігарні “Праметэй”.
У гарадзенскіх піцейных установах вялікага ажыятажу матч адкрыцця Еўра-2016 паміж зборнымі Францыі і Румыніі не сабраў. Гарадзенцы аддалі перавагу прагляду дома або на закрытых мерапрыемствах. Гэтаму спрыяла і халоднае надвор’е.
Сёння ў Францыі дадуць старт чэмпіянату Еўропы-2016 па футболе, які пройдзе на 10 стадыёнах ў 9 гарадах краіны. Турнір будзе доўжыцца цэлы месяц, у ім бяруць удзел лепшыя каманды кантыненту. Зборная Беларусі ў чарговы раз не прабілася на Еўра, але ў нашай краіне гэты чэмпіянат любяць і чакаюць з нецярпеннем. “Твой стыль” выйшаў на вуліцы Гродна і даведаўся, за каго гарадзенцы будуць заўзець сёлета.
