Апошнім часам гарадзенскія рыбакі прыкметна павялічылі свой улоў, а ля ГЭС няма вольнага месца, каб закінуць вуду. Чытач “Твайго стылю” Аляксей расказаў рэдакцыі, што на мінулых выходных, 23-24 красавіка, адбылася нават масавая бойка за рыбныя месцы ля ракі. Гэта пры тым, што рыбалка там наогул забароненая.
Нягледзячы на тое, што гарадзенскі “Нёман” страціў галоўнага трэнера, у камандзе на трэніроўцы пануе добры настрой і працягваецца падрыхтоўка да маючага адбыцца матчу з “Мiнскам”.
Ужо пяць гадоў у парку Жылібера краязнаўца Наталля Канюк адраджае батанічны сад, які ў XVIII стагоддзі быў у Гродне. Дзякуючы Наталлі і неабыякавым гародзенцам тут з’яўляюцца расліны, якія былі некалі ў батаніка Жылібера.
Польская мастачка Катажына Свінарcка ўпершыню прывезла свае працы ў Беларусь. У Гродзенскай выставачнай зале яна паказала персанальную выставу “Silent Heads”, дзе прадстаўлены твары вядомых жанчын свету. Выстава праходзіць з адмысловым музычным суправаджэннем і падсветкай.
“Лінію Карбышава”, якую пачалі ўзводзіць яшчэ летась ля Кургана Славы, скончаць да 9 мая 2016 года. На святкаванні Дня перамогі яе афіцыйна адкрыюць i пакажуць невялікую рэканструкцыя бою Чырвонай арміі з войскамі Вермахта.
У галерэі “Тызенгаўз” 26 красавіка адкрылася выстава здымкаў гродзенскага фатографа Сяргея Курылы, якому ўдалося два разы з’ездзіць у Чарнобыльскую зону і пафатаграфаваць людзей, якія там жывуць.
У парку Жылібера прайшоў мітынг, на якім ўзгадалі пра трагедыю, якая адбылася 30 гадоў таму на Чарнобыльскай атамнай электрастанцыі. Хвілінай маўчання ўшанавалі памяць людзей, якія ахвяравалі сваім здароўем і жыццём дзеля іншых. Кіраўніцтва аблвыканкама таксама выкарыстала магчымасць, каб пахваліць АЭС у Астраўцы.
Даведацца пра існаванне (ці адсутнасць) падземных хадоў у Гродне ды пачуць разаблачэнні легенд пра таямнічыя падвалы маглі гарадзенцы 24 красавіка на бясплатнай экскурсіі ў межах “Фэсту экскурсаводаў”. Гідам для некалькіх дзясяткаў удзельнікаў стаў краязнаўца Ігар Лапеха.
У панядзелак, 24 красавіка, у самым цэнтры горада міла шпацыравала парачка качак. Яны не баялася ні людзей, ні ровараў, якія праязджалі побач. За птушкамі можна было назіраць некалькі гадзін.
Увечары 25 красавіка афіцыйны сайт “Нёмана” паведаміў, што галоўны трэнер гарадзенскай каманды Сяргей Саладоўнікаў падаў у адстаўку.
