Супольны музычны праект аб’яднаў музыкаў, якія выступаюць супраць смяротнага пакарання. У кастрычніку мінулага году ў Беластоку прайшоў канцэрт, які трансляваўся анлайн на шэрагу беларускіх парталаў, а 17 чэрвеня відэа- і аўдыёзапіс канцэрта з’явіўся ў інтэрнэце.
З нагоды акцыі “Гродна – культурная сталіца Беларусі” цягам усяго лета ладзіцца конкурс “Экакульт”. Арганізатары – “Зялёная сетка” і часопіс “LO_ok” – вырашылі даведацца, як выглядае экалагічная культура гарадзенцаў.
17 чэрвеня ў 17.30 у лютэранскай кірсе пройдзе канцэрт кампазітара, арганіста Валерыя Шмата. Гэта ўжо другі цягам месяца арганны канцэрт у храме.
На мінулым тыдні па Гродне гулялі верблюды, на Савецкай танчылі, выпускнікі святкавалі канец школы, а ля горада прайшоў фэст “Эхо”. Усё знайшло адлюстраванне ў Instagram. Таксама традыцыйна “Твой стыль” знайшоў там шмат жывёлінак.
Міліцыя ацэньвае кошт скрадзеных на вайсковых могілках і ля Кургана славы кветак у больш як 13 міліёнаў рублёў.
Польскі гурт Rzeszów Klezmer Band даў у Гродне ажно два канцэрты, а таксама паўдзельнічаў у нашым праекце “Музыка гарадзенскіх вуліц”. Музыкі выступілі ў дворыку Музея гісторыі рэлігіі і выканалі кампазіцыю “Яўрэі з Адэсы”.
Пазнаёміцца з “Лямцавай батлейкай” і яе героямі – Мамай Му і Крумкачом – можна будзе 15 чэрвеня ў 15.00 на пляцоўцы каля гандлёвага дому “Нёман”.
Альбом “Варанок” гэта беларускамоўная стылізацыя пад “турэмны шансон”, але інтэлігентная – без лаянкі і ўласна турэмных рэалій. Вайцюшкевіч запісаў альбом з пашыраным складам музыкаў (WZ-Orkiestra і Apple Tea) у канцы мінулага году, большасць тэкстаў для песен стварыў Генадзь Бураўкін.
Мінскі гурт “Нельга забыць” завітаў у Гродна на ІІІ Міні-фестываль вулічнага мастацтва, а таксама паўдзельнічаў у праекце “Музыка гарадзенскіх вуліц”. На высокім беразе Нёмана музыкі выканалі кампазіцыю “Дзе ты?..”.
Стужкі “Край светлых мрояў” і “Летапіс у промнях святла” беларускага дакументаліста Юрыя Гарулёва пакажуць 13 чэрвеня ў кіназале Генеральнага консульства Польшчы. Пасля паказу – дыскусія з рэжысёрам.
