Ва ўдзельнікаў Пятага фестывалю беларускамоўнай рэкламы і камунікацыі AD.NAK! ёсць яшчэ некалькі дзён, каб узяць удзел у намінацыях і конкурсах. Дэдлайн падачы прац працягнуты да 12 чэрвеня ўключна. Удзел у Фестывалі — бясплатны.
У суботу 7 чэрвеня у 15.00 вялікі натоўп гарадзенцаў абступіў лютэранскую кірху – мноства ахвотных хацелі ўпершыню пачуць новы арган. Каля чатырох соцен чалавек запоўнілі ўсю прастору кірху, уключна з балконам.
У апошні тыдзень здымкі з Фестывалю нацыянальных культур апанавалі Instagram гарадзенцаў і мы вырашылі выбраць квадратныя фоты толькі з гэтых трох дзён. Сёння ў “Гродна ў Instagram” зусім няма коцікаў, затое ёсць яўрэйскія джапмеры!
Гурт “S°unduk” завітаў у Гродна на адкрыццё фестывалю “Лялькі над Нёманам” і заадно прыняў удзел у праекце “Музыка гарадзенскіх вуліц”. Ля ўваходу ў Тэатр лялек яны выканалі кароткую песню “Мне нравится”.
Праца мінчука Аляксандра Батвінёнка з’явілася ля адрэстаўраванага Цэнтра культуры Гродна. Гэта ўжо трэцяя скульптура, створаная на пленэры рэзчыкаў у мінулым годзе, якую ўсталявалі ў цэнтры Гродна.
Лепшыя фільмы фестывалю дакументальнага кіно пра правы чалавека пакажуць 10-11 чэрвеня ў Гродне. Усе паказы пройдуць у кіназале Генеральнага консульства Польшчы, уваход вольны.
У гэты ўікэнд у Гродне праходзяць фінальныя мерапрыемствы Х Фестывалю нацыянальных культур, але гэта не адзіная цікавая падзея. Гарадзенцам варта наведаць ІІІ Міні-фэст вулічнага мастацтва, два канцэрты ў кірсе, бясплатную экскурсію, семінар па медытацыі ды іншыя падзеі.
Беларускую літаратуру ад “Кнігазбора” цяпер можна набыць і ў рэгіёнах. Выданні з’явіліся ў гарадзенскай кнігарні “Праметэй” (у будынку злева на фота) і лідскай “Кніжны свет”.
Мінскі гурт, створаны ў 2009 годзе адмыслова пад праграму па матывах аднайменнага твора Караткевіча, прыедзе ў Гродна 7 чэрвеня на ІІІ Міні-фестываль вулічнага мастацтва, а таксама выступіць у антыкафэ “Жывы час”. Дагэтуль музыкі выступалі ў Гродне толькі на кватэрніках.
Лекцыя-дыскусія “Рэлігійны экстрэмізм ці праваабрончы рух вернікаў?”, прысвечаная праблемам рэлігійнага дысідэнцкага руху ў БССР у 1960-я – 1970-я гг. на прыкладзе дзейнасці Евангельскіх хрысціян-баптыстаў, пройдзе ў суботу 7 чэрвеня.
